唔戎口

13/8/09 魚毛大姑丈成6:00PM打比我問我去唔去99度燒嘢食,因為太耐都無燒過就應承咗!(日日食豬肉同雞都食到悶),跟住即刻打比亞媽問佢煮咗雞飯比我未,佢話未,我就叫佢今晚唔洗煮飯比我,我要去BBQ,亞媽聽到我要BBQ就梗係EE鵝鵝O架喇!我話我都係食豬扒,雞翼啫,咪一樣係豬肉同雞啫!?但係亞媽都係EE鵝鵝,應酬咗佢幾句就拿拿聲收線!去BBQ LU!!

6:45PM去到99度,已經開始燒緊,我問佢地點解咁晏至通知我BBQ O架,佢地話今日係即慶BBQ!

我今日食咗香腸,豬扒,雞翼,魚蛋,一粒牛丸,仲有汽水!

今日仲有燒蝦同蟹,但係我都無食到!(其實係我見到D蟹羔好靚,想食,但係老公就唔比我食!)

好奇怪今日平時乜都EE鵝鵝嘅99就一句都無鵝過我BBQ喎!奇奇怪怪!!

**************************************************************************

14/8/09亞媽打電話比我話細佬釣咗條十幾斤嘅魚,唔知點整好,不如15/8去流浮山度食,順便提早同亞婆(20/8)同埋家姐(17/8)慶祝生日,我話我去到乜都唔食得,我唔去喇,除非佢地比我食(蝦,蟹)我至去,咁亞媽都無我辦法,因為佢又想去,又想我去,所以迫於無奈至應承話比我食,但係話唔好食咁多囉!

15/8今日我又飲咗兩支忌廉,食咗魚,椒鹽瀨尿蝦,豉油皇蝦,油鹽焗奄仔蟹,豉椒炒聖子,蒜蓉粉絲蒸帶子......好好味O架呢!!