老人癡呆症

尋日同姑奶喺屯門食完晚飯,佢就湊咗魚毛番屋企,咁我咁得閒唔洗湊仔就去行吓街啦,見到d上季米奇冬天衫三折,就買咗兩件比魚毛,本來想買多兩件,但係嗰d款熟口熟面,諗嚟諗去都諗唔到上次季尾有無買過嗰個款,買咗相同咪好笨!所以令願買少件好過!

今日都係唔洗湊仔,就約咗個舊同事喺愉景新城度食飯,食完飯我又去咗買小朋友衫,因為尋晚嘅經歷,所以我出門口前已經check過屋企d衫,因為唔想買重複!行第一間,揀咗幾件甲埋3百幾,個sales就同我講買滿6百可以join vip,但係我上次買咗5百幾我諗住我好少會再嚟里間度買所以無join,但係今次我又心思思,再揀吓又買多d....

里d比魚毛下年著嘅!

里d係比妹妹下年著嘅,因為小朋友都無乜潮流可言,年年都差唔多款,三折買定無壞啫!

揀吓揀吓就揀咗成個鐘嘞!今次買咗7百幾,仲join埋vip tim!!

跟住又再繼續shopping.....

里間都係三折,又揀咗成個鐘!本來想再行,但係我約咗姑奶食晚飯,順便接番魚毛,所以要收手嘞!

因為生完妹妹之後我嘅老人癡呆症又再嚴重咗,所以今日番到屋企要將買咗未著嘅新衫用手機影低,下次去買衫可以隨時睇番有d乜嘢衫,咁就唔怕買重覆啦!!