我的生女禮物

生完魚毛之後,我買咗一個LV手袋(而家仲用緊),同埋一個大嘅GUCCI袋做禮物(用過幾次)!

生完妹妹,本來想買LV手袋,因為家姐個朋友係STAFF,一年可以用7折買兩次一萬蚊內嘅貨,但係出咗半年內嘅新貨就唔得,咁啱想買嗰個係新貨,要等多半年下次先買得,無所謂啦,都係諗住有7折唔好"舌"先買,其實買唔買都無所謂!

其實里一,兩年老公成日都問我洗唔洗買隻一卡鑽石介子比我,但係我又唔係好捨得買,(因為佢嘅錢咪即係我D錢)而且湊仔我都唔戴得介子,因為會刮傷BB,但係唔知點解里幾日又心思思想買!

所以今日我同老公又去買生女禮物,今次係一隻1.01CARAT嘅心型鑽石介子!

我嘅第一隻鑽介係老公十幾年前聖誕節送嘅單粒22份黃黃地嘅圓石!

第二隻係我自己十年前買五十幾份嘅單粒圓石,開始有D要求係G色,都好白淨O架!(因為老公以前好鬼窮,所以要自己買)

第三隻係06年老公當係求婚介子帶埋我去買,79份單粒圓石,G色!

第四隻係今日買單粒心型1.01卡,F色!因為其實79份同1卡圓石唔放埋一齊都分別唔大,所以就特別D要心型!