網誌分類：妹妹 出世首月 |
圖片
網誌日期：2009-07-28 00:30
25-07-09 妹妹出世第二日
今日只係落過床小解,而妹妹住嘅加護病房又同我相隔一層,所以今日都見唔到妹妹!
因為我唔洗湊BB,所以我好得閒,又無見魚毛幾日,有D掛住,所以就成日睇番相機度魚毛同埋妹妹D相!
26-07-09 妹妹出世第三日
今日等到探病時間,老公嚟用輪椅推我去睇妹妹!
今日係我第二次見妹妹,但係佢真係好廋,隻手仔仲插住針吊葡萄糖,姑娘話因為妹妹尋日嘔咗幾次奶,驚佢唔夠營養,所以要吊葡萄糖,今日未食得奶住!嗰刻覺得妹妹好可憐,我又唔喺佢身邊,我又喊!
27-7-09 妹妹出世第四日
今朝E生巡完房話我今日下午三點後可以出院!我就等埋老公放工,五點幾嚟接我出院!但係妹妹仲未可以同埋我一齊番屋企,因為佢仲未夠5磅!
番到屋企食完飯就開始有好多人嚟探我,包括魚毛,我已經五日無見過魚毛喇!
