網誌分類:依然輝公 |
圖片
網誌日期:2009-10-26 04:11
內地客經常投訴香港酒店業界於黃金週加價,但國內自己又如何,他們不加價嘛?
廣州交易會期間,加幅比香港更驚人,像我經常幫襯的一間裝潢較時尚而又近直通車站的大型酒店,一直都是四百元左右,但秋交會期間就要叫價千四元,簡直離晒大譜。
再到另一間港資集團的酒店問問,往日都是三百而已,但這段期間便要九百多,最荒謬是酒店根本不怕沒生意,因為早已沒有房間供應,好巴閉咁Full晒,吹鬼脹……
算了,把鬼酒店都要接受,幸好有人替我付這筆賬。
酒店位置在鬧市區,可惜天氣麻麻,還下著雨,出入自然要「打的」,但自問沒有當地市民對搶的士所具備專業拚搏,倘若真要我跟他們互搶的士的話,我寧願行路,始終安全一點。
不過落雨濕濕還要我行,我肯做才怪,無鬼聊聊隨意行到酒店附近一間售賣國內各地特產的商店,中國地大物博,每個省縣甚至小城鎮都有自家好產品,林林總總,很熱鬧。
祖國出產的食品和其包裝大部份都比較樸實,統統都素顏上場,當中有許多根本是賣相醜樣,不堪入目,惡劣情度令你不相信可放進口,面對這些像謎一樣的東西,沒事做的時候,逐一拿上來細心研究,娛樂性豐富,好玩。
貨架頂都列有各地名字,分區分地,貨品種類繁多,唯獨「香港特產」這貨架卻異於其他,整座貨架只有三款「特產」,少得可憐。
經常提醒從外地來港的朋友,香港是沒有手信值得買,大家曾幾何時看見有人會帶一打蛋撻、四個菠蘿油回加拿大?香港大部份好東西都只能夠即時享用,有時間性,統統皆帶不走。
那麼香港究竟有甚麼「特產」,告訴你吧,這三寶分別是:即食魚翅、龜苓膏和龜苓糖。
我現在才知道它們的地位原來很崇高。










阿Man 2009-10-28 22:37
做生意真係...廣交會成日都聽,但冇緣一去,其實我都好想做,但入錯行...而家越嚟越做唔嚟,因為創意已死!!
今日同新阿頭傾, 佢話我入錯組...我話我都知,因為我真係冇乜創意,特別做呢行做得太耐...跟住搵舊阿頭傾.橫掂而家怪談變咗豬頭骨,邊個做邊個死,不如....睇吓年尾會唔會有事發生啦..一係因為評估唔合格被cut一係食返呢舊豬頭骨!!
May姑+輝公2009-10-31 03:41
先死而後生, 特別你地間怪雞畸寶, 有乜唔會發生, 或者無爺爺間台又突然起返呢, 其實呢個世界有乜野荒謬滑稽事係唔會發生, 睇下點囉!
高慧然 2009-10-27 09:54
May姑+輝公2009-10-27 19:17
唔好話呃, 事關我咁古惑, 好難接受你呃到我, 都係話"執"到好d!
井中天 2009-10-27 05:58
井中天 2009-10-27 05:39
May姑+輝公2009-10-27 05:44
話時話, 香港邊有特產, 就算佢個貨架比我放, 我都諗爆頭要擺乜呀!
高慧然 2009-10-26 23:24
May姑+輝公2009-10-26 23:31
我送支柚子汁, 或者比包墨西哥魔鬼辣椒你, 都好過呢三寶喇!
高慧然 2009-10-26 14:09
May姑+輝公2009-10-26 22:08
高姑娘, 你以為我真係低能到咁交關咩.
香港人, 你有無食過龜苓糖 ? 特產喎!