係唔係等咗好耐呢，現在開估啦！係一隻求婚介子，但係佢無同我跪地求婚喎，哈哈！其實大家都有意思想結婚，所以無乜驚喜囉！你地唔好以為好開心呀，其實係惡甍的開始，正當計劃結婚擺酒的事時，肥仔屋企人又要佢買咗樓先，大家都知啦一買樓又會吃力好多，結婚同買樓係唔可以一齊做的，肥仔都話買咗先，都算啦！星期日走咗去睇樓，睇豐景園，我一入到去好唔舒服，跟住睇翠寧唔啱，再去睇兆麟苑，有個都ｏｋ．但好多嘢要執番新囉，但又唔抵喎，跟住星期一，又去咗龍門居睇，睇中咗一個好好，不過要成９７萬，但唔駛大執囉，點知，原來肥仔屋企人想佢買６０－７５萬度，唔駛佢供得咁辛苦，邊度有５００幾呎，又可以６０－７５度，仲要中層，方向好單住！倒轉頭仲要俾佢屋企人發爛渣，話乜都唔理喎，點啫！又係佢叫人買樓，現在又咁．．．好煩！我不嬲都係想結婚先，租樓住住先，慢慢先再想買樓的，但肥仔原來唔係咁想，佢係想買樓先，如果可以的話叫我過多兩年先結婚，我話唔可以，哎，lee 件事又唔知要拖幾耐呢？令到我開始唔想結囉，仲有排煩，真係好唔開心！
又係要你哋敎我點做好？
DSC00141.JPG
DSC00139.JPG
pekkle.JPG
加菲 2007-09-12 12:57
恭喜恭喜
以肥仔的目標價錢一係搬來同我做鄰居啦~
不過呢d始終係兩個人的事, 要互相尊重~最緊大家傾下先啦! 佢都有心同你結婚啦不用急在一時, 慢慢安排下先, 話晒係人生大事嘛! 但係要話俾我知你地想幾時係好日子, 你知啦我出年又有朋友結婚, 千萬唔好撞左日子呀~哈哈哈
檸檬BB女 2007-09-12 11:52
恭喜恭喜~
好羨慕呀~ 週年紀念日可以收到求婚戒指~
我都同意你既諗法! 結婚先~ 租屋住~ 先買樓!! 宜家樓市咁高...遲D先買喇!!
21號就係我同我男朋友兩週年喇~ 雖然我有暗示過...不過我知道佢唔會週年紀念同我求婚...HEHE~都係等下先喇～