花球之迷思

究竟註冊當天要唔要花球好呢？之前都係網上search過，覺得牡丹係最靚，真花又比絲花靚好多。但價錢要四五百元，咁咪仲貴過我條裙？即使退而求其次要絲花花球，都要百多二百元，又係用嗰十零分鐘。用完之後又唔知放係邊好，呢d野又唔多有人鐘意用二手gei！

其實我有個幾好傾gei同事一向都有賣開花球當part-time，佢仲話送比我添！但費時欠人人情，又嘥人時間啦！雖然佢係出於真心，因為由始至終我對花都冇咩好感，d花好快就謝，又唔食得又唔著得，如果假花又舖晒塵。之前影婚紗相，個sales都有問過點解我唔選花海影相，因為大多數女仔都鐘意花，但我就係唔鐘意囉！而且連花gei圖案、飾物都唔鐘意。為左嗰十零分鐘，我都係唔會要個花球 lu！

但為左襯條裙，對鞋一定要買過，因為之前買黎影相對鞋著到我隻腳抽晒根，今次要買返對軟皮及銀色。之前對白色著左兩次之後已經唔係白色，都幾煩下！遲d上去深圳攞條裙時，順便去東門買埋對鞋先。