網上有好多計算分量的網頁~
例如:
http://www.ppsoap.com/PPSoap/formula.aspx你只需要打你想要的用油同分量~佢就自動幫你計要幾多氫氧化鈉~同水~
基本上~你要'整得靚'係好困難~例如要注意溫度~時間等等好多野~有好多神人真係整到成件藝術品咁~
但你要'整得到'~就好容易~
基本上~你只需要用水開左d氫氧化鈉~之後佢會自動熱(好似石灰掂到水咁)~你另一邊又加熱d油~等兩者溫度40c-50c左右差唔多時(我就冇咁講究~是但摸下好似
沖涼
水咁溫度就算~冇量~但手唔可以掂氫氧化鈉~係摸隻杯)~溝埋一齊'發'~好似'發'蛋咁~
視乎你用咩油~凝固快慢都唔同~'發'到好似奶昔練奶咁質地時(快則15分鐘慢則大半個鐘)~呢個時間就可加入任何你中意的添加物~例如薑汁或honey~倒入模或者盒咩都好~放半日至一日~會凝固~攞出黎切開一舊舊~吹風吹一個月先用得~
其實好簡單~易學難精~
-------------------------------------------------------------------------------
問:
多謝seaman 你既快速入門..
昨晚我都試左
我都係用
olivia oil + (氫氧化鈉~同水)
最後見佢變色有好輕微"糊狀", 我就落薑汁
但最慘,由開始做攪動呢個動作,我足足攪了1.5hours才可以有oil微"糊狀"
倦到我入模都沒有,幸好今早已凝固了,
其實凝固,是否叫做成功了呢
thks
答:
哦~因為油有軟油同硬油之分既~
軟油係潤D~軟D~難凝固D~
硬油係乾淨D~硬D~易凝固D~
為左兩全其美~大部分人整皂都會兩種油溝~
你用全橄欖油造一定比較難~因為橄欖油係軟油~但這亦是傳說中頂級滋潤的皂哦...
其實你點溝油或唔溝油都一定造到~功用唔同啫~好似棷子油係硬油~用全棷子油造係勁快~十零分鐘就掂~但只會用來洗碗同洗3~因為唔夠潤牙~但有人話用呢D黎洗碗可以醫主婦手~
答你問題先~凝固左就成功左~但要等一個月先用得~同埋要比佢吹下風....全橄欖油造出來係好軟嫁~因住會變成PAT屎咁....但又可以咁講~就算佢變成一PAT屎~你都可以用佢~佢都係皂~不過醜樣D啫~
------------------------------------------------------------------------
最簡單:
橄欖油250g棷子油100g鈉52g(個磅如果量唔到咁精細50g都得~爭少少唔駛咁講究)水130g薑汁2-3匙蜜糖1匙想要香味可以加幾滴香精/精油入去(加精油香味明唔明顯~因為精油揮發得快)
橄欖油---超級市場
棷子油---手工皂專間店/專賣棷子的地方(有d店會掛晒一個個棷子比來比人買來結婚果d)/專賣泰國食品地方(泰國人中意用棷子油整野食)/淘寶
鈉---手工皂專間店/五金店/淘寶/永興(大角咀一間醫學化工專間店)
如果講較平同較易買到既油~仲可以用葡萄籽油同米糠油(軟油)~可以用來代橄欖油~價真盏同吉之島有賣~
P1010252.JPG
P1010251.JPG
P1010250.JPG
