有日小妹豬唔知發生咩事...起勢係咁追住我咬...都唔知我得罪佢d咩????真係豈有此理...再大d都唔知會唔會渣把刀追住我劈????正一衰女包.....    

好耐都冇幫小妹豬影相啦...呢d係得閒影d...得閒又影d...儲埋儲埋..一次過post出黎...

小妹豬御用飯碗 下面呢張係妹豬既媽媽.....睇下...d動靜成個餅印咁..... 下面呢張係妹豬d哥哥姐姐...睇下佢地食野食得幾滋味...

有一日玄玄在家訓下午覺....訓之前做下d拉筋動作...做做下...可能小妹豬覺得我做得唔正確...仲有可能技癢...想showoff一下自己....結果做出一招一字馬(呀....唔係..應該係一字貓先真).....真...

今日我玩玩下電腦..發現小妹豬訓緊覺...咁我就冇理佢...但係轉過頭再望...又發現小妹豬又有新動作...於是我就把握機會影低佢... 就係呢個動作....都唔知係咪小妹豬靜雞雞走去瑜珈....無理由...

有日整左兩隻蝦俾妹豬食....開初以為佢會好開心...搶住食...點知整左出黎...佢聞兩聞就行左去...一d都唔食...但係我老婆夾梗餵佢食兩粒蝦肉...點知佢食過之後...發覺原來係好野.....唔駛叫就...

有冇咁好訓呀 ???兩條友仔....一個就變爛訓貓...一個就變爛訓豬...俾人影相都唔知...小妹豬又再一次訓到冇晒儀態啦....真係好冇儀態