暖笠笠羊腩煲

上星期五開始轉涼，放咗工又返常平 hea，老公中午已經上咗去，買定餸，洗好哂，切好哂，我番到去就可以十下十下，正！

打足三日邊爐真係人都癲呀！

到咗星期一要打道回府了，天氣仲愈嚟愈凍，但係冇奶由仲係齋打邊爐啫！
喺街市見到有新鮮黑草羊賣，30 蚊人仔一市斤，lee 個價錢喺香港買雪藏都唔得啦！一於買番幾斤番香港炆，再買啲河源枝竹，香口炸豆卜，用羊腩汁打邊爐，嘩！諗起都留口水呀！

有人話炆羊腩好難，怕有羊羶味，其實要冇羶味易過借火啦！媽媽醒我嘅秘訣是要加少少當歸，真係少少就夠 o架了，大約一塊手指甲大小的當歸，meat 碎佢灑落炆緊嘅羊腩度就得，冇點妳 o架！

羊腩煲

材料：

羊腩        三斤
冬菇        十朶
清水筍    一罐
枝竹        一包
豆卜        三元
馬蹄        十數粒
薑            兩大塊
蔥            數條
當歸        一小片
生菜        一斤
大蒜        適量
唐芹        適量

調味：

南乳        兩大磚
大腐乳     一瓶至兩瓶

做法：

1. 羊腩切大件，用蔥、半塊薑出水備用；
2. 冬菇、枝竹先浸軟、清水筍切件、馬蹄去皮、餘下的薑去皮切片備用；
3. 先將薑片用白鑊烘炒片刻，盛起。
4. 下油爆香南乳及半瓶腐乳，下薑片及羊腩，爆炒透後轉用深鍋；
5. 加水至淹過肉面，水滾後可加入馬蹄、冬菇、筍及灑進當歸碎，再翻滾後轉小火，炆兩小時；
6. 用筷子試刺穿肉塊試其軟硬度，此時可試味，酌量加入腐乳或糖。
7. 將蔬菜先墊鍋底，再鋪上枝竹豆卜，倒入羊肉，再翻滾即可上桌。

溫馨提示：

1. 加入當歸碎可去羊羶。
2. 薑片用白鑊烘炒過後，便會香而不辣，很好吃。
3. 如想用腩汁打邊爐，炆時要多加一些水，不要炆得太爛熟，一個半小時即可，一邊滾一邊下蔬菜、枝竹，可加入魚丸，牛肉等。

吃前：

吃後：