慶公宴

上星期五我同同事們去咗慶公宴食私房菜.

聽講話慶公宴响 openrice 係排第一位既私房菜.  而價錢亦唔平架, $500 一位!

淨係睇 d 餸名, 以為係食緊情人節餐.

我同同事影番張靚相先

呢度既擺設好中國化, 但食物則是 fusion 菜

慶公宴係出名飲茶, 一入到去已 serve 一杯白肉xx (我唔記得咗係乜嘢茶!)

d 茶其實唔太濃, 話怕我哋瞓唔著喎.

之後有 d 細細杯既茶, 呢個應該係明前龍井

飲完茶就開始係前菜喇.  第一味係冰鎮荔枝汁浸蕃茄

都幾開胃, 但其實我當時已經超肚餓!

第二味係三文魚芒果粒粒

之後又係 sour 既, 菠蘿蓮藕

下一個係白毛豬火腿青瓜.  呢個太 salty 喇

就係呢隻話梅汁焗海中蝦, 我個身又有少少痕添 !

呢個開始比較飽肚喇, 叫桶蠔沙拉 rolls

好 crispy, 我覺得呢個唔錯.

食咗熱氣嘢, 當然要來番個木瓜雪耳鮑魚湯保一保啦.  我平日飲開糖水既木瓜雪耳, 原來做湯都 ok 架喎.  d 雪耳唔係 cheap 貨, 否則我一定唔會刷哂

鮑魚就無味, 麻麻哋

呢個係燉冬瓜, 無乜特別

之後又來 sour, 我開始無胃口喇!  呢個係山渣汁炆肉排, 好彩有件鍋巴, 否則會餓死哂 d 壯丁!

鍋巴任吃, 但咁熱氣, 食倒兩件已經叫勁

再來多個 starch combo, 日本稻庭烏冬, 但係係 mix 麻漿, 好似食緊腸粉咁! 

最後來個益力多味 mousse, 哎吔, 又係 sour 架, help!

最後結論:  我覺得阿大廚好有心機造菜, 不過呢, 口味就唔係人人適合, 只少我哋四圍枱都唔合心水, 壯丁會仲要去食燒夜!