畢業....倒數4日

上星期二終於考完我個科喇﹗由上午收卷開始，無停手咁改...無論在中大上緊堂及坐緊車，都不停改改改......

足足用佐三日兩夜改晒200份試卷﹗破佐我教書10年的最快紀錄﹗

咁心急改晒d卷的主要原因係趕住做兩份功課及溫書....

其中一份功課係做teaching kit，上個月已經開始搜集資料，亦都開佐少少頭，但係一日未殺到埋身，都無咩動力去做﹗

星期六行完field trip，真係好累...所以hea佐一晚

到星期日及一，連續通頂兩晚，開行turbo不斷咁做....次次交功課都係要半夜先可以定定咁住o係度做。最後星期二在網上交埋份功課....

衝衝衝....今日send埋最後一份group project俾d同學仔﹗感覺實在太好喇﹗

畢業倒數最後4日......我要努力溫書，6月30日晚考完試，就可以真真正正回復真我了﹗

不過，經過9個月的碩士生涯，在中大不經不覺渡過佐310小時.........真係有d唔捨得，到星期二晚的考試，我一定會好好咁去「享受」﹗