老大晒呀????

星期日激屎呀...

話說同亞哥去百佳廣場買西生菜...

大家去超市買菜..個個都勁揀架啦....

我哥就見成班亞太...亞毛左摷右摷..左秤右秤...都未揀到一隻生菜...

於是我哥就派我行進班亞太當中揀菜..佢就係外圍等我喇...

其實我好唔想中入去班亞毛當中...

於是..我地採取包抄方式...

即係...

我哥推住架車擺係班亞毛左手邊...

而我就行去班亞毛右手邊..伸手去攞生菜...

揀好就由我呢面拋過我哥果面...

   就係咁...我地就用左呢個凌空交收方法..揀左5隻生菜喇.....揀完..我地就走喇...

就正當我哥推走架車時....我哥身邊揀緊生菜既亞毛..就好大聲咁..望住我地...話...

做咩頭先我揀果兩隻生菜唔見左架???邊個攞左???咁賤格...攞左我揀既生菜..&^%&!^()#**($^&*()#**$&@$*@&

我地兩個當然無理個亞毛講咩喇...就照推車走人...但..估都估唔到..個亞毛一野禁住我地架車....一路摷我地車入面果D生菜.....一路摷之餘仲一路唸唸有詞..話我地偷左佢之前揀既生菜喎???咁樣仲不特止....仲一路摷一路話呢個唔係...呢個唔係...就將佢口中所講既..''唔係佢揀既生菜''大大力揼番落我地架車度....我兩個 O 晒咀...

當然...你地一睇就知我都唔係善男順女....開頭我地見佢係一個老人家...就唔同佢嘈..但..當佢一路摷一路鬧一路揼我地D菜時..我哥終於忍唔住出聲...

哥話....~亞婆....你估企係你隔離就係賊呀??你自己有無親眼睇到我攞左你D菜...另外..D菜你比左錢喇啦咩??未比錢即係唔係你架啦....你做咩口口聲聲話人地偷你野呀??你唔見左咩野呀??/仲有呀....呢D唔係你...果D唔係你...你都唔使大大力揼番落車架....D菜好既都比你揼爛啦...你唔好以為..老就大晒呀???老就打橫行呀???企係你隔離就係賊...你都有病既~.......

我就無咩出聲..只係一手將五隻生菜..一野攞起..送晒係佢面前..同佢講....亞婆..你唔使摷喇..比晒你...比晒你呀??果度D生菜有成座山咁高....你都唔要..係要我果D..我都無辦法....你攞晒去啦..攞晒去呀..唔好係度攪攪陣....係你眼中個個都係賊啦..你啱晒呀..攞去啦......

個亞毛見我地咁....就咋咋臨攞左我車上最大果兩隻菜後就扮晒聾..行左去喇...

天呀...人呀....呢個世上真係咩野人都有架??????呢D亞毛....成日以為老就大晒....就大支野.....講真..佢真係大晒呀....如果佢係後生D..我地....實义爆佢呀....三十八個字粗口都會出晒.....真係丫.....

呢D人.....認真不知所謂.....

咩而家香港人咁架?????咩野世界呀???

激屎人呀...