笑看人生苦與悲(三)

深度與濶度..

衍陽法師：做人要有深度與濶度，何謂～深度與濶度～？？

深度者...即是你識去補充一切所失既...

例如...家中不辛地有人死去...你就要識得自動補上....那失去成員的位置..令家中一切能繼續運行..盡快令家中各人安心...

濶度....是說...做人要有容人之量..仲係大大既容人之量...唔好只覺得自己或家人才是最重要....應該係..世上每人都係重要..要尊重的...只要抱有容人之心...你做人才有得著...才能成功..

如果...係你眼中只有你自己才是最重要的話...或錢又是最重要的話...那很可悲呀...你死後就只得那花班班的錢紙與你一起啊...世上沒有一人會為你傷心...那是一個十分可悲的人生...那麼你這一生就是白過了....

知命與用命

還有我們要知道...知命與用命既分別...

知命....即係平時大家所講既...相學..命理...每年既流年運程等...

而家好多人年年都會....睇下所謂流年..睇下今年既運程..如果..今年流年不吉利...就要如何如何去化解去避....

其實..呢個係最差..最斬腳指避沙蟲既做法....你只會時時刻船頭驚鬼船尾驚賊咁去過你呢一年.....(可笑亦可悲啊~)

所以...大家要學會....

用命....即係要好好運用你既命理...今年流年不利嗎???不怕...要面對它...多做善事...多積德....去用唔同既心態與角度去看自己..所謂..唔好既流年丫...當係上天比自己既一個考驗....可能到最後..得出來既結果..會是一個驚喜呢???

意思是話....係新一年裡你想著係..憂憂心心閃閃避避地過??!!!還是勇敢向前...多作善事....開開心心地過??!!

呢點就係...知命與用命既分別...

**唔知大家明上有幾多?我知我POST得唔係好好...因為...唔係好識好全面講出法師所說既....不過..我真係好希望大家能用心去想去看...能有所得著呢***

故事篇

衍陽法師係講座中...講左幾個好有趣..好生動既故事...令我地更易明白佢要說既道理....我嘗試將我記果兩個POST出黎同大家分享....

長頸鹿與小白兔

係一個非洲草原裡...長頸鹿與小白兔就係度吹水啦...

長頸鹿：小白兔呀~小白兔~我生得條頸咁長..都不知幾好呀...你知嘛...當我每飲一啖水時......D水由我口中去到我既胃既漫長途中....每次都都能慢慢去感受到水既清甜與冰涼..真係好清甜架...

小白兔：哎呀~你就好啦...條頸生得咁長...呢度又咁熱...你可以次次飲水都能夠好好咁享受水既清甜...好羨慕你呀...(白兔露出一臉羨慕既表情啊~)

長頸鹿：係呀~唔止咁呀...當我每食一啖青草...D草既香味甜味都係慢慢咁..由我口中慢慢咁游落胃裡...D草香味呀....每次都能慢慢去享受架...真係滿口清香呀~(長頸鹿一臉陶醉咁講...)

小白兔：嘩~嘩~嘩~又係喎.....食草時..你都可以享受得比我地更長更久呀....你真係幸福啦..有一條咁長既頸...每次飲飲食食時..你都能比別人得到加倍享受..真係坷令我羨慕啊....我就衰啦...無野長.只係得對耳仔長....都無用既..真係激死人啦....>.<

又過左幾日啦....長頸鹿與小白兔又相遇啦....今日小白兔見到長頸鹿個樣好DOWN..好辛苦咁..於是就問長頸鹿發生咩野事啦...

小白兔：喂...你無野丫嘛??面色咁差既??/係咪有病呀???

長頸鹿：係呀~我唔舒服呀..已經幾日啦....好辛苦...好想嘔呀~

小白兔：咁你仲唔快快嘔出黎...嘔完會好D架..快D啦...

長頸鹿：(沒精打彩地說)鬼唔知嘔出黎會舒服D咩??我係幾日前已經開始嘔啦....不過嘔到而家D野都只係去到喉嚨叮度....仲有耐未出到黎呀~ >.<

(當大家聽到法師講到呢度時....全場已爆笑)

你睇....當你自以為係一個令自己引以為傲優點...轉個頭可能會變成你既缺點..所以...人不能太自負...!!凡事並不是絕對既~

頑皮的約翰

有日約翰好想要一部單車...於是佢就同媽媽講...

約翰：媽..我想要一部單車啊...你可唔可以買比我啊????

媽媽心諗...又想買野??一定唔會買比佢...於是媽媽就同約翰咁講啦...

媽媽：乖仔...我早兩日先買左大堆玩具比你....所以我唔會再買單車比你架啦..如果係真係想要既話..你向主耶穌祈求啦...叫主耶穌買比你啦....

約翰：吓～媽....我平時連教堂都唔要上既...我點樣向主耶穌問呀???

媽媽：你咪寫信比佢..向佢請求囉....ok???

於是約翰就好失望咁返左入房...係房度左想右諗....終於攞起支筆...寫信比主耶穌啦...

~親愛的主耶穌

 我是一個很乖我小朋友...我現在很想要一部單車..你能夠送給我嗎??

下款寫著.........尊敬信奉你的約翰上~

當約翰寫完攞起封信睇左幾次之後...覺得呢個大話連佢自己覺面紅呀...於是一手將封信撕爛左...再寫....

~親愛的主耶穌

我很想要一部單車啊.....我會努力讀書做一個乖孩子...請送一部單車給我..好嗎?

下款寫著.....敬愛你的約翰上~

寫完約翰又左睇右睇...心諗我跟本唔想學習做好孩子...又講大話...都係過唔到自己果關..於是就一手撕爛封信啦...又再寫...

~親愛的主耶穌

我想要一部單車....我會嘗試每天都做好功課..可以送我一部單車嘛?

下款寫著....你的約翰上~

約翰再次攞起信黎睇....睇完又再撕爛佢...跟住佢抱頭痛哭..他哭點解自己由始至終都對主耶穌講大話???約翰跟本從來無諗過要學做好孩子...從未想過要做好功課..佢好憎點解自己到呢刻都要向主耶穌講大話....

哭完..約翰走左入教堂...係空無一人既教堂裡...約翰伏係第一行櫈上...向著主耶穌像痛哭...係佢流淚時...佢見到有尊小小既聖母像放係禮台上.....約翰見四周無人時..佢偷偷將聖母像收入懷內....攞返屋企...

返到入房..約翰小心役役將個聖母像放於一個小盒子裡....於是佢對住聖母像再次向主耶穌寫信啦....

~主耶穌

你快D送部單車過我啦.....而家你老媽而家係我手上...如果你想再次見番你媽的話..就好好聽我講..快送部單車我..如果唔係..你咪使旨意再次有機會見番你老媽啦...係咁~

下款寫著......唔使講你都個我係邊個啦~

當法師一講完呢個故事時.....全場既爆笑程度..大家可以想像得到嘛

法師解說....呢個故事就是說..人既思想...就是...一念天堂一念地獄

究竟你腦中所想既係天堂定地獄??跟本係主宰係自己手中....所以..要快樂與否都係...係自己手中...明未???

好啦...呢個TALK我只寫到呢度...當然..當中仲有好多我未提及既內容..無法啦..我資質有限...好多我都表達唔到出黎.....不過...大家放心啊....今年書展係...溫暖人間既展覽檔中..會有呢個講座既DVD發售...DVD所得既收入將會撥為...佛教發展基金之用...^^..到時大家一定要買返張黎睇啊....我就一定會買架啦....到時我地再見啦...^^

書展...2009年7月22 - 28日...

溫暖人間攤位....展覽中心3號館 3E16 - 34 , 36 (佛教坊邊沿)

笑看人生苦與悲..(一)

笑看人生苦與悲(二)