玫瑰診

7月20日晚上, 按照平時一樣接大仔一齊返屋企, 但開始發覺佢有d問題, 個頭有d熱熱地....跟住問奶奶佢今日有冇咩問題, 例如唔食奶, 唔食飯, 大小便ok???

奶奶 : 今日冇咩野!! 還通屋爬, 奶有食...

到咗第二日早上, 大仔發燒101度, 就立即帶佢去睇醫生~~~

醫生話佢可能流感起, 但如佢還可以周圍走, 食冇問題, 可以放心....一旦佢轉變發呆...就要帶佢入院啦!! 就咁開d退燒藥比佢, 有退燒就冇問題啦....

個日食咗3次都算話退燒, 但到咗半夜就發高燒啦~~102度呀!!!跟住咪叫亞仔起身半夜3點鐘食藥......

第二日, 都唔係啦, 叫奶奶帶佢去睇第二個醫生再診斷吓...點知, 呢個醫生話佢係出診, 應該係玫瑰診!!!!

玫瑰診開頭係會發燒, 還會好高!!! 發完燒後就會出診, 出完就會冇事!!! 個個細路都大致上會出, 1歲~歲半左右, 好常見, 不要怕, 呢個診會發燒 3~4日左右, 出診就3日就會完, 所以, 一星期就會冇事! 出診後又唔會有痕, 放心吧!!

今日7月26日!!剛剛一星期, 亞仔真係出診, 而且, 真係發完燒就出診, 3日就退診!!