昨天, 天氣好熱, 人也差點熱壞, 家中的貓就熱得懶洋洋般, 動也不動, 只是食瞓食...
但一向短毛的Coco在我心目中, 是最唔怕熱的一隻貓, 下午牠還在跟陽光玩遊戲時, 我還替牠拍了好幾張美照...
Coco好喜歡在太陽光底下睡覺...唔知係唔係順便晒吓佢穿著緊的私家皮草呢?
+++++++++++++++++++++++++++++++++++++++++++++++++++++++++++++++
早前Coco接受了3支類固醇注射後, 一直精神奕奕, 一點也不像有病...身為主人的我也曾放下一口氣, 但上月底應去覆診的Coco, 主人(我)沒有帶牠去...主人想待牠有復發的跡象才帶牠接受另一步的方法...拔牙...
我經常問自己, 究竟應否帶牠拔牙? 因為Coco現在還不足3歲, 要牠受拔牙之痛...而且拔牙後無把握一定會好番...所以我真係拿不定主意....
昨日下午, Coco依然活潑可愛, 但到了晚間, 我回家的時候, 摸到Coco下巴近頸位置有濕, 我還問Coco, 你為何要玩水....?
又是我們要把Coco塗藥膏的時候, 近兩次替牠口腔內塗藥膏時, 一次比一次反抗利害, 我想一定是牙肉痛的影響...
直至零晨時份...12點半, 我抱起Coco, 發現牠的體溫比平常熱, 我立即替牠探熱, Oh....40.2c, 我只是用耳探, 我知道如肛探一定會更高...Coco真係發燒了...我心情好亂, 好擔心...唔知怎樣做才對...??? 加上牠下巴近頸的位置再有濕....我用Tissue抹, 啊...原來不是玩水, 是從口流出來的液體...
最後, 我決定帶牠入我的睡房, 讓牠涼著冷氣, 希望牠會舒服一點...
Coco水不飲, 乾糧不吃, 甚至連牠愛吃的罐罐都不望多一眼...我嘗試給零食, 牠就只吃了一點點...應酬一吓主人(我)吧了....
後來零晨一時許, Coco的體溫有降低跡象, 38.6c...這時, 我才敢去睡....天光了, 我的腿被一團暖暖的, 毛毛的Coco走上來, 係第一次成功同Coco共處一房, 係第一次給Coco叫醒的...我好開心, 因為見到Coco有活動, 因昨晚連跳上我的床也不跳...
我立即替Coco再次量度體溫, 37.6c...再退了一點點...
可是, 今天早上, 我要上班, 上班心情並不太好, 因實在仍然太擔心....結果, 我下午請了事假回家, 開冷氣, 幫牠降溫...39.9c, 牠的體溫又高了....! 我亦準備帶牠看醫生...
可能係熱的原固, 牠的脷總是伸了出來....好傻的樣子, 確令我更加擔心....
怕冷的Coco, 開了冷氣, 卻走到無開冷氣的房間....可能想陪伴著我....
時間到了...醫生應診了....係時候帶Coco見醫生...希望有好消息&盡快退燒啦...
Deki 2009-08-11 14:12
Melissa2009-08-12 09:45
近來Coco好了點, 最緊要係佢肯食....
我已經帶Coco看了第二位醫生, 今次呢位醫生叫我比Coco試吓用荷爾蒙藥來醫, 聽醫生講呢隻藥係幾乎無副作用, 所以便開始試行了...
效果我接受, 最緊要係見佢好似開心咗&肯主動食嘢....
翊如 2009-07-19 13:36
我相信醫生以專業既知識可以幫到, 動物同人都係一樣會病, 一定會無事, 如果見完醫生之後你要寫情形, 讓人可以安心d..希望coco早日好返.
4寶一家BB,毛毛,瓏瓏,康康 2009-07-17 17:25
一定冇事
而家情形點
Melissa2009-07-19 22:45
YELLOW bus 2009-07-16 22:03
Lavender 2009-07-16 12:49
點呀? 佢而家冇o野丫嘛?
醫生點講??
Melissa2009-07-19 22:44
毛正 2009-07-15 01:59
Melissa2009-07-15 21:01
串爆貓兄弟 2009-07-13 22:55
我建議拔牙， Curious 3 歲時拔走斕牙後，食野好左心情也好！以前有爛牙唔俾人掂下巴仔，一掂就咬，唔肯飲水和吃乾糧！
趁佢仲細做左拔牙手術，太大年紀受不了麻醉針！何况長遠他肯食野飲水才有健康，不肯飲食會引致其他身体机能受損，如脫水會腎衰竭！
費用 under 1500 ，有需要可介紹獸醫
Melissa2009-07-15 20:58