開心拼貼手工派對

今日幾個孖b媽咪以做手工為名, 出來聚一聚為實, 攪咗個開心好玩既party, 好多謝Jan借出過千呎豪宅俾我地大玩特玩, 仲幫我地order食物及準備手工用品, 真係麻煩哂你!

每個媽咪一到Jan屋企第一件事就係揀選心儀既餐巾, 今次手工主題就係 - decoupage拼貼藝術, 之前我同Fanny學了一堂玻璃碟拼貼藝術, 大家都有興趣玩, 於是大家提議到Jan屋企一齊做這個小手工, 當日大家很努力剪剪貼貼, 埋頭苦幹, 男士們亦都好努力照顧小朋友, 真係辛苦晒你地!

　大家都好認真地剪 , 貼 , 吹!

　完成作品當然要合照啦!

　每件作品都係大家嘔心瀝血之作!

　當大家做完手工後, Hannah突然做咗聖誕老人, 大派禮物, 每個小朋友都非常開心! 多謝你精心挑選既禮物, 靖晞兩姊妹非常鍾意, 未返屋企已嚷著要拆禮物!

　Jan屋企有好多不同種類玩具, 白板都有三塊, 小朋友真係玩到樂而忘返, 唔捨得返屋企!

6:00p.m.我地開始食晚餐啦, 今次同上次halloween party一樣order五餅二魚, 食物質素不錯, 肯定好食過大x樂及美x, 大家食得好開心, 仲飽到捧住個肚走!

　食物種類多, 而且保溫非常好, 質素有保證！

　不要以為係會所function room, 其實係Jan屋企客廳一角, 面積非常大, 仲好過club house! (Jan：我地密謀緊每逢聚會都以妳家為first priority, 不要拒絕我地呀!）

　窗外仲有大海景, 簡直係dream house! 唔知你屋企睇唔睇到煙花呢?!

再一次多謝Jan一家人熱情招待, 大家都好期待下個月既bbq gathering!