Kalo 扮跳跳虎

平時已經好鍾意走黎走去o既 Kalo，今日扮佐一隻跳跳虎，由屋企跳出門口 ... 一路跳 ... 一路彈 ... 經過平台 ... 又再跳到去大堂 ... 點知仲差 2 步就跳出大堂門口o既佢 ... 忽然 " BANG "  ... 趺低佐 ... 個頭重撞埋塊大玻璃果條邊度 ... 豈馬 2 cm 厚 ... 於是乎 ... 佢當然大喊 ... 憑我聽佢喊聲o既經驗黎講 ... 佢o既「分貝」好高 ... 所以一定係好痛 ... 。起初以為佢只不過係撞瘀 ... 但係再睇真 d ... 等佐一陣 ... 佢右邊額頭上 ... 果條好似用間尺畫出黎 ... 長 5 cm、闊 0. 5 cm o既傷口 ... 開始慢慢滲出血 ...  ... A ya ~  ... 搞完一輪之後 ... 紅藥水搽完、糖又食完 ... 咁就繼續一家 3 口出去食飯。... 坐佐冇耐 ... 佢又喊 ... 「好痛呀 ~ 快 d 幫我貼膠布 ...」... 見佢咁 ... 我唯有係佢傷口下面貼塊 Winnie the Pooh 膠布，因為佢個傷口好長，又近頭髮 ... 而我身上亦只有呢 d 膠布 ......  所以 ... 頂住先啦 ~ ... 不過呢一「貼」 ... 認真「得」 ... 因為唔再喊 ... 佢亦表示唔痛 ... 完全好似冇發生過事咁 ... 我地食得好開心。

到返屋企要搭 Lift o既時候，Kalo d 頭髮已經被風吹開佐少少 ... 佢呆佐望住塊鏡 ... 睇到啦 ~ ... 睇到啦 ~  ... 佢開始用隻手再撥開自己額前o既頭髮 ... 佢終於發現到 ... 自己o既傷口 ... 點解冇用膠布貼住？ ... 佢又開始喊「好痛呀 ~ 快 d 幫我貼膠布 ...」... 最後我用佐一塊紗布將佢成個傷口遮住 ... 佢睇唔到應該就唔會覺得痛 .... 事實証明 ... 冇再喊 ... 「唔痛啦 ~ 」