買埋對boots - 8 Dec 07

(8/12) 星期六, 放左工, 就約左家姐同阿亮去食野...同埋去左鋪頭度坐... 到到 7點倒就要返教會開會, 之後, 就同媽咪, 家姐同阿亮去左"新星"打邊爐喇~ 

去打邊爐之前...去左青衣城...因為想望多次對boots... 由於星期五試裙o個陣, 個sale俾左對boots我試埋, 我同Joey都覺得咁樣著好好睇, 所以我都係再去睇吓, 最後我仲買左佢返去tim呀!!! 好彩佢認得我, 俾返個7折我o者~

之後, 就同媽咪, 家姐, 阿亮一齊去打邊爐喇~ 可能最近食野方面冇咩胃口, 所以好快就見飽喇~ 真係唔底呀!!!! 任食, 但係食咁少tim~  不過, 冇辦法啦~

(9/12) 星期日, 同家姐去阿亮屋企食飯!!! 好野, 可以見倒南南豬喇~ 佢真係好可愛架!!! 仲好醒呀!!!! 之後, 就同家姐, 阿亮去左工展會...嘩 ~ 都真係好多人呀!!! 仲有好多野買tim呀!!! (我地係專攻食得o個D架咋!) haha~~ 我地又食又買呀!!! 好飽咁走呀!!! 我地食左海膽呀!!! 好鮮甜呀!!!! 超正~ 其他地方o既真係冇得比呀~ (好滿足呀~)

我地走o既時候只係6點倒...但係原來我地只係行左2個幾鐘咋~ haha!!!