Good show不如好師奶

哎, 連JM個伯母呢DCCTVB死硬派, 都話CCTVB劇集唔好睇, 證明香港電視業真係"已死" , 個班CCTVB人在邵六嬸干政下 , 真係"尸位素餐"過日辰了 .

 

也許無線仍獨大，但真的走下坡了，因為本家Die Hard Fans，即係家母，竟然有次同我講話某劇集唔好睇喎，我呆咗，佢竟然夠膽話無線啲節目？無－線－喎，佢係嗰亭仔女偷偷轉台（因為肥姐有一陣子過了檔，我們故意轉台睇吓阿媽知唔知），知曉後發哂脾氣嘅忠實無線迷，佢都咁講，可見...

寫漏咗最重要的東西 , 個套劇係 "歲月風雲"

咦，nothing哥講的「富貴門」片段，又係同一銀行做背景，係中環恆生銀行總行，劉松仁同苗僑偉都去借錢，鄧梓峰又係演該銀行經理，李成昌只是出個握手鏡頭，扁做茄哩啡

廣管局自從放寬電視賣廣告守則, 個d商戶仲唔去到盡咩, 用盡一分一秒同一個鏡頭，都要hardsale自己的商品，好鬼似早年的EYT

 

 

最唔明點解 2009 年的時裝劇, 一講到兩個人發現有 feel, 重要用錯摸錫咗, 錯摸攬咗咁懶又老套的橋, 現實生活係唔會咁嘅嘛, 我拍過幾次拖, 次次 first kiss 或 first hug 都係有心, 一次錯摸都未試過, 邊有咁易錯摸? 但富貴門就可以三集出現兩次咁嘅情節, 唔通師奶口味就係要咁矜持 ? 唔好賴師奶, 不如話 d 導演編劇懶

我現在最鍾意睇的電視節目是超級巨聲, 評判藍奕邦一語中的, 成個節目由參賽者到成個製作成個 set 都好九十年代, 哈, 但九十年代在無線已算新穎, 富貴門宮心計那種劇情, 那種心態, 直情返到去五, 六十年代, 粵語長片都新潮過佢

有日轉台無意中睇到嗰套乜鬼「冚家富貴門」，講羅嘉良帶馬國明去恆生開戶口，點知一入去就撞到鄧梓峰飾演嘅銀行經理；講真，一見到鄧梓峰我就知奶野，殊不知之後十分鐘都係鄧梓峰喺度硬sell恆生嘅服務，完全同套戲無關，d劇情嘅夾硬同造作程度同嗰d曹永廉式嘅廣告雜誌或偽資訊節目完全無分別。

頂，咁hardsell，不如索性拍套恆生創辦人發跡史嘅傳記仲好啦；堂堂台慶劇，原來都只不過係一套40集嘅廣告雜誌，無記真係好唔好意思呢？仲有，恆生如果想賣廣告，不如學幾十年前贊助「溫故知新」咁贊助「係咪小兒科」，送儲蓄戶口同豬仔錢罌俾d小朋友咪仲有意義。

P.S.: 嗰套「冚家富貴門」都係睇過一節，頂，咁樣叫台慶劇，我突然之間好掛住萬梓良。

「平霸」呢類經典「硬廣告」，還有其他，如"利工民","腳癬靈"..... , 還有更多 , 一篇BLOG都數唔晒 , 它們雖然佈景簡陋 , 總覺得反映的商品形象一步到位 , 收效力大過而家呢D而"諗餐曚"的高清創意廣告, 而家的廣告 , 真係唔知賣咩嘢 , 最討厭係個D政府的API , 幾十秒都反映唔到意思 .

其實亞記買D韓劇 , D人都唔會去欣賞 , 如CCTVB播完"大長今"無幾耐 , 亞記就播個套 "女人天下" , 我睇過"女人天下" , 劇情仲好睇過 "大長今" . 另外, 亞記播韓劇"王與我" , 無人識個女主角具慧善, 而J2播個套韓版流星花園即"花樣男子" , 具慧善才好多人知, 所以真係好替亞記不值 .

 

 

師奶果然係電視的米飯班主....

其實現時的節目真是不知怎樣評價, 教煮餸的節目都可以學到一些技巧 ! 如《掌門人》一類節目，正如你所說「賣肉」而矣 !

真係口碑唔口碑都係咩人理lor,尤其是看錢看,毛利為先的機構,夾硬把廣告訊息帶入電視內容中,可惜又帶不出生活感覺,而且演員亦表現得非常生硬.

看得得我不舒服,於是提早瞓覺,早睡早起身體好.

我真系唔明，個個都話TVB水準差咗、有好大問題，點該佢唔靜思己過搞好d節目，反倒一意孤行呢？

我而家晚晚追師姐出馬，擒日個集古堡謀殺案，有d荒誕無聊，但係竟然仲覺得有創意過而家，真係...

隔離台亞記未又係咁，7點半一套大陸劇《愛無悔》，9點半一套韓劇《好老婆大聯盟》，都係女人，我地呢d男人都係變做客。無他的，女強人而家夠強嘛，我部門個阿頭都係女人啦。

邵六嬸正式入主cctvb，縮皮又縮皮 , 我在網誌話已經覺得, 亞視一有大show , 就只識用《掌門人》、《美女廚房》，d人睇得多都厭啦