網誌分類：娛人娛事 |
圖片
網誌日期：2009-10-29 11:45
行不改名坐不改姓，請得阿蘇上飯局，志雲大師再妥當也稍有招架不住。你有你八卦，我有我坦率，但訪與被訪能擦出火花，對上那次，已經數到吳君如。
蘇施黃靠「惡」殺出名堂，《蘇good》兩輯明明翻兜cable路數，在節目走挖苦刻薄，透過無記一哥的大平台，節目越做越有影響力。「惡女」當道，理得阿蘇揸鑊鏟定周街食，有她為大眾搜羅出氣袋，怨氣酸氣悶氣，掃清掃盡。如果說一代一出品，「惡女」是九十產品，把年份推前十年，那就是商台的六啤半時代。
六啤半，啤等於「PAIR」，是商台的八十搞作。正式年份，應該是一九七八年，由俞崢和楊振耀發起，為商業二台玩玩新意思，於是乎找來十三位DJ，六女七男，從未夾份做過節目，不過合作一張同名唱片和電視劇《愛情安歌》。他們名躁一時，在唱片的黃金年代，他們各自負責的音樂節目，多少影響過十五二十的少年們。
十三位DJ，阿蘇沒唱過歌曲，只負責電台節目。據聞她做節目，曾因播音樂而不作聲而被俞琤投訴，二人開火當然包括後來cut phone一事。飯局她講起俞琤，對這位曾是聖士堤反舊友兼引薦人，笑談間便在花園溜走了。志雲大師打爛沙盤，當事人倒是不揭底牌。
坦率歸坦率，恩與仇，心裡記住便行—
一如她看愛情，看宗教，看生與死。
*Cat Family* 2009-11-05 09:16
那幅剪報在我眼中, 價值很大呢.
光陰似箭, 很多事情已成陳年舊事.
楊二蚊2009-11-05 11:36
歷史狂徒 2009-11-03 10:00
睇番6 pair半，關西蒙做過電視劇，在《愛情安哥》做那個失意的會考生，演佢弱智細佬的係田雞，之後佢去咗1同人睇風水掌相，聽聞在美孚新邨開咗間舖，好多年前去美孚想去睇下，後尾無。
鍾保羅後尾去咗麗的，又去咗無線，被人覺佢係何B的司儀接班人，1989年9月1日佢跳樓死的時候，當時小弟剛升中四，第一日開學日放學後睇午間新聞，竟然話鍾保羅跳樓死，真是難以置信。
楊二蚊2009-11-05 11:34
普通人 2009-10-31 18:42
祝萬聖節快樂 !
楊二蚊2009-10-31 20:39
歷史狂徒 2009-10-31 09:20
楊二蚊2009-10-31 15:40
WUYAN 2009-10-30 23:51
楊二蚊2009-10-31 15:39
佢其實講野心直口快到有時好有gimmick位
icicle 2009-10-30 17:02
你有冇發覺蘇施黃只受師奶歡迎, 好多男人都好怕佢 ? 我試過問我老公, 到我五十歲時, 一係似蘇施黃, 一係似好姨, 你寧願我似邊個 ? 佢諗咗好耐好耐, 最後給我痛苦的答案係 '揀唔到'
我估男人怕蘇施黃不只因為她是 lesbian 男人婆, 例如好少男人會怕俞琤, 他們當然不會對俞琤有幻想, 但卻樂意欣賞她的才幹. 蘇施黃跟俞琤不同, 俞琤是完完全全將自己當男人, 接受了男人的遊戲規則, 處處表現得理性, 溫文又有原則 ; 蘇施黃卻要攞盡兩性的好處 , 不肯盡女人的義務 , 例如 keep fit 扮靚和生兒育女 , 但又要有做女人的著數 , 例如發爛渣 , 要人服侍 (她一個人煮飯 , 三四個人幫佢洗洗切切 , 講真 , 肥媽叻過佢好多) , 幾十歲人重要嗲下家姐......
這就正中一眾已過更年期 , 生理和心理再不需要男人的師奶的心態 , 做了半世好老婆好阿媽小媳婦 , 此刻有佬冇佬都冇相干 , 師奶就要做自己 , 盡情吃盡情鬧 , 沒錯 , 肥媽是入得廚房上得台有佬有孫的典範 , 但阿蘇才是她們羨慕的人辦
阿蘇不是男人婆 , 她其實是以男人婆包裝的婆毑 , 一個完全冇女人味的婆毑 , 直佬最怕那款 , 因為他們知道 , 今天如花似玉 , 賢良淑德的嬌妻 , 終有一天 , 也會變婆毑
楊二蚊2009-10-31 15:39
你俾好姨同阿蘇揀，真係o係男人都揀唔落手。但你講得冇錯，阿蘇其實係「師奶」既一個自身投射—一個聲大夾惡，冇理由都可以打橫黎講而又可以成功出位，係好多師奶最希望做到。
你叫佢地做到紅姑咁，就慘，起碼係keep身型都keep到死下死下。
An仔 2009-10-30 11:59
楊二蚊2009-10-30 14:02
Dr. 168 the Great 2009-10-30 03:17
楊二蚊2009-10-30 11:22
Agnes Tse 2009-10-30 00:33
佢話過唔俾自己跌落confort zone, 我都算欣賞佢呢樣野. 其餘不敢恭維. 不過, 活到佢呢把年紀, 想講就講, 想做就做. 好多人想為所欲為都難.
楊二蚊2009-10-30 11:22
JM 2009-10-29 19:19
但旁人如我看，小時家有工人，長大又可到外國留學，怎也不是一般情況下的「窮人」吧。不論她經歷過何種不如意，但有家人大力支持，也算幸福了。
楊二蚊2009-10-30 11:20
JM 2009-10-29 18:46
我最記得有一次，不知楊振耀說了些甚麼，蘇絲黃笑到跌了落地，在收音機旁很清地聽到她跌地聲，很真但又好誇張。
唯一對阿蘇有些不滿是她老是說自己細個時窮又唔識字之類，感覺有點像有些人在鬥叻鬥威之餘連衰都要鬥一番，其實佢唔提又無人會話佢嘅。
楊二蚊2009-10-29 19:13
記得唔知邊位講過，話一個人老要提細個又窮又唔識字，係對自身信心不足的表現。
雖然唔知咁樣係咪代表阿蘇，不過從另一角度睇，佢的確又present左一個「捱出黎」兼的image—正如佢話齋，佢最睇唔過眼，係醒但懶到出汁既人。
歷史狂徒 2009-10-29 12:06
佢同楊振耀主持呢個節目，好似係傍晚六時半左右做的，有埋主題曲添，叫「每當晚飯時」，改編自薰妮的「每當變幻時」。
聽商台係由細聽到大，好懷念番以前的節目，如馮偉棠、麥潔雯的《空中俱樂部》；羅山的《華燈晚翠》，原來呢個節目有個專欄係講風水掌相，唔知點解會講埋中國歷史
楊二蚊2009-10-29 19:11
我都好鍾意細細個聽既商台，感覺宜家商台有些些胡鬧(尤其二台)，同以前既「熱鬧」有分別。
如果商台肯學港台咁，擺返70,80年代既聲音檔，咁我就可以重溫下佢同楊振耀既節目啦