網誌分類：生活閒語 |
圖片
網誌日期：2009-09-10 12:30
往內地出差，臨行前沒帶上電腦，一回港，消息幾近脫節，比如記者採訪被毆，聲討階段猶在耳邊，今朝演變成示威遊行。
這陣子在內地，沒電腦，手頭能靠的，就是在酒店翻報紙和開電視。內地進步神速，從商搞文化的統統北望神州，香港一池死水剩下來，講的大抵「自由」。在內地，隱性控制是無處不在：香港電視台要剪廣告、反動意識難登大報雜誌網站……建國六十太過sensitive，官方連夜趕科場連學生都出動，新聞局稍一不慎，叛亂顛覆諸類大罪隨時找上門。
不想被監察又好，撈住最後一道優勢亦好，「自由」的確份量相當，尤其這道防線正越退越窄，電視台軟性編排，最高銷量免費報歌功頌德，日積月累下來，不用播國歌也收功效。freedom原先提供一個萬千生相的平台，人們靠自由表達信息、傳媒運用自由履行責任。內地先天缺此優勢，環境有限卻迫出潛力，編劇借角色諷時事，編輯從訪問帶思考，怕硬碰硬，便換換時代，語調再幽默一點，也就過到關了；香港一向將「自由」當奉旨，市民申到亂拋投訴，傳媒索性偷影誇大，電視台是但馬虎，爛橋用盡不厭。
然後有一日，我們發現世界可以先被查後被毆，繼而新聞局搬非成是—這才明白，No easy walk to freedom。
Annie Chui 2009-09-12 15:20
果個曾鈺成.一副小人相.
頭尖額窄,未言先笑.
睇佢係議會內對特首既態度係恭順而不是恭敬.
真係眼火爆咬咬咬~~
楊二蚊2009-09-14 14:37
Annie Chui 2009-09-11 22:45
至於范太就真係我既偶像中之偶像.
有邊個唔知范太係親中?又如何?
人家講句野都順耳過人,唔會令人覺得唔舒心.
四兩撥千斤.
香港要有范太型的特首.香港人冤氣多,壓力大.
特首係領袖,唔係老細.
曾生唔該收起個架勢樣,而家你個樣越來越似阿扁呀.
楊二蚊2009-09-12 12:47
范徐麗泰有人嫌佢講野太中肯，冇own view，但係家陣個個將個人意見放到大過天既社會，佢係一股清泉。
起碼比阿曾鈺成好。
Annie Chui 2009-09-11 22:40
係啦,回歸12年,香港人都係唔慣.一直狂洗招牌的阿爺,一鋪就比烏SIR SIR破壞12年來的翻身本錢.呢鑊都唔知係有心定無意.
阿董生真係出少句聲啦,唔該.
家陣香港人睇你後面都憎你前面,重要有埋聲TIM?!
唔通你想出來幫煲呔做盾牌?
楊二蚊2009-09-12 12:46
An仔 2009-09-11 14:01
可能我真係唔係現場，但我覺得，次次都係咁，點解次次都係d後生的中招，d老的反而就係唯一有片比隔離台借黎播番事發經過。
出外採訪，靠衝係冇用的，咩都要食腦，係戰場，最重要係攞到條片番黎，唔係搏極死鬼左頒個英勇章比你又有咩用？係大陸你就話可以搵人去中聯辦，係外國你又有咩channel去投訴？
始終係人地國家採訪，就要小心d，唔係做埋主角，睇到蘇敬恒發晒癲咁鬧個內地發聲機器，我真係覺得好無聊。
當然，我唔係幫大陸，但你都明知佢係咩料，出左啖氣佢say左sorry又點？下次咪一樣係咁。
楊二蚊2009-09-12 12:45
其實內地既政策，大家都心知肚明，一次遊行根據改變不到d咩。今次呢單野，涉及既範圍及層面都好廣，唔係話我要撐邊個就得，香港人一聽到「言論自由」就出俾力撐，但成件事背後仲有好多發掘點，如果大家唸多幾步..就會發現irony唔係俾人屈，而係自己點樣逐步鏟走「自由」
歷史狂徒 2009-09-11 11:50
董生昨晚一句：「黑白事非自有交代」，同金利來一句：「不要激化事件」，又辣慶全城
楊二蚊2009-09-11 13:48
oulala 2009-09-11 05:02
楊二蚊2009-09-11 10:33
普通人 2009-09-10 20:54
其實這些都是他們一直的處事作風 !
楊二蚊2009-09-11 10:32
歷史狂徒 2009-09-10 13:20
曾蔭權佢這番話夠 "官腔"就一定架啦 , 不過, 梁振英的文章就真係有點兒想搏 "出位" 啦, 佢幸做特首幸到發燒 , 當然要發揮得琳璃盡緻啦. 但我覺得評論得最公允的係范徐麗泰. 真係好想聽下賭王何鴻燊又點回應, 可惜佢仲係養和抱恙緊 .
今早中聯辦副主任李剛又出來想對事件消消氣 , 但國內現時十一前夕要"穩定壓倒一切" , 所以暫時不會回應 , 到十一之後事件有望解決
楊二蚊2009-09-10 16:55
JM 2009-09-10 13:05
程翔說得對，如果這是新疆政府一貫的處事態度和手法，不難理解當地局面為何會弄到如此田地。
還有，阿前人大常委曾生，你唔出聲冇人話你啞架
楊二蚊2009-09-10 16:54
歷史狂徒 2009-09-10 12:34
楊二蚊2009-09-10 12:38
我都必需承認，侯小姐都係俾人推出黎，直斥佢都冇用。不過呢次事件，都真係令各黨齊齊撐，反而大家唔滿意特首更多，你知，佢來來去去都係關注下，講得太多次，市民就不滿意。
早知如此，果班為六十建國排練既學生，可以早d返屋企訓。