艇仔粉

艇仔粉其實幾有特色架，呢個艇仔粉，真係0係艇仔上面賣架！

以前初初識我老公頭兩年時，佢都冇同我提起過艇仔粉，當我知道時，就話佢做咩唔早d話我知，因為我覺得好得意好有特色，而且我又未見過丫嘛！果時都講左一段時間之後，佢先帶我去咋~ 因為艇仔粉係夜晚先有，而且唔係晚晚都會係度架！

泊係香港仔海傍既艇仔：

艇仔有河粉、瀨粉食之外，仲有糯米飯、菜。d人係鍾意佢地煮粉既湯底，係用大地魚黎煮既湯底黎。艇仔粉可以揀“係度食”or“拎走”，係度食既人會係一邊花糟邊食，或者係附近公園食，個情景都幾得意，而我地次次都係買返屋企食既。

食完之後，D人會放D碗係一邊花糟，咁上下時間有就人上岸執：

今晚好彩艇仔粉有開工，不過就好多人排隊呀！好多人都係“堂食”架，哈哈。其實我初初幾次食時，都係覺得麻麻地架咋... 但係我發覺，我而家開始慢慢咁都覺得佢好味呀！

好多人排隊，個個都ORDER幾碗架：

海傍公園之前整過，而家好靚又有象棋木台，坐係度果D人都係食艇仔粉，成個公園都好多人係度食緊艇仔粉：