北海道 - DAY 5

呢日早餐係酒店既西日自助早餐，味道都唔錯，係餐廳望出去見外面，見到既積雪都好厚呀，層雲峽都係比較大雪呀。

食完早餐，我地就向旭山動物園出發，冬天黎呢個動物園仲有免費泊車呀。

一早去到動物園未開門， 不過就已經好多人排隊，一入到去，見到當日既特別環節時間表， 見到企鵝館一陣就有野睇，咁我地就去左睇企鵝先，行左一d室內地 方，之後就室外，好近距離睇到佢地，之後就係餵食時間， 好多企鵝呀！

之後就再睇其他動物，係呢度睇動物好好睇，因為d動物係會行近去 人群前，好似睇到呢d狼咁，係冇籠或玻璃隔住， 我覺得如果佢地有心想跳既，係可以跳到出黎！

怕凍唔會訓係D雪上面既獅子：

獅子好乖，會係D遊客面前，所以睇得好清楚：

北極熊又係會識係遊客前位置曬太陽：

呢隻豹係頭頂上既寵度架：

玩緊攀石既猩猩：

果度仲有d動物仲可以抱，不過就限住某d時段：

有d動物係可以摸，我都有摸下d馬仔，佢地唔郁任摸：

去完動物園之後，我地就返札幌。

時間都預得幾好，去到札幌到左酒店check in之後仲有時間，就開車去左白之戀人朱古力廠，去到行下買下d野食手信咁 ，呢度買夠1000yen就會有得免費泊車架喇，其中買左盒話總店先有得賣既cookies box，有三種味，我好鍾意果個紅茶味，真係好好食呀！

我睇到四點果場鐘樓公仔走出黎既歌舞表演：

還車之後，我地就當然係札幌周圍行啦~~ 買左少少野同食晚餐。呢晚既酒店係摩天輪既對面，估唔到既係，我地既房係對住個摩天輪，weekend摩天輪仲會夜d先熄燈添呀，好靚！