confirm左MUA喇！

今日放左工食左少少野就去試妝喇，原本我搵左幾張圖帶比MUA參考架，不過又唔記得左print出黎… 所以就算啦，不過Emily都有幾本新娘化妝既書，但係我都係睇唔岩，都唔知揀邊個好，所以最後我都係請Emily幫我決定。

先試一個日妝，Emily好細心咁同我上粉底，用左紫色做eye shadow，髮型就係髮髻，都ok，係鏡睇好似個妝有d濃，不過係相機度睇就好自然。之後就試晚妝，Emily都有問我想用咩色，不過我真係冇idea呀，佢就揀左隻綠色做eye shadow，顏色深返d，同加左d閃粉，頭髮就整左個有d似我之前搵參考圖既其中一款，都係d比較大路既款式啦，用左個誇張少少既頭飾，都ok，上鏡係好自然。最後Emily幫我試多一個髮型，將d頭髮梳起晒，用左皇冠髮飾同埋加左頭紗，呢個都唔錯呀。

Emily好細心，將我面上面d紅印都遮晒，而且佢唔係太多野講，又幾nice，我都即時confirm左落埋訂金。

真係好喇，試妝可以一take過，唔駛再花時間再搵呀！^.^