北海道 - DAY 2 (PART 2)

離開左幸福車站，我地開車上返公路，由於又係冇指示同肉眼見唔到幸福寺，所以我地冇特別搵呀，咁就去左愛國站，愛國站都係另一個已停用既車站，我地仲撞見之前係幸福站果幾個日本小妹妹添呀！

 
愛國站既火車… 車卡我諗維修緊卦？ 包住晒個架火車。站內有一個交通紀念館，放左D舊既車站物件比人參觀，逗留左一陣就走喇~

愛國站果個石製大車票好靚！
 

 
 
 之後我地就去返帶廣市中心，CHECK-IN左就食野，我地去返之前入緊帶廣市中心途中經過既食店，冇去市中心食。我地入左一間壽司店度食，有D要另外ORDDER既，就要自己寫，咁就睇住MENU黎叫老公抄囉~

 
 
食完野之後我地先去市中心行下喇！帶廣都既寧靜，街上都唔係太多人。
 
行經出名既元祖豚丼店，見佢收七點，咁我地又食左先囉！因為都未餓，咁就兩個人一碗啦！哈哈~ 好好味呀！

 
 
之後行左一個商場，不過只係開到七點，我地真係行到七點先走，係呢度買左份婚禮物比五月結婚既朋友。好在附近D店都仲有D，我地就買左幾盒朱古力同蛋糕，仲買左柳月既甜品、車厘茄夜d返酒店食。
 
返到酒店，我地又左咖哩飯！不過都係兩個人share一碟姐~ 今日果三餐飯，相距既時間都唔長，所以我地係非常之飽呀！
 
夜晚係酒店，老公話：其實你黎北海道，最緊要係去幸福車站！ 哈哈哈~ 其實呢，我由頭到尾，都冇講過我有幾想去幸福車站架！真係知我心意呀~  梗係啦~ 咁sweet既地方好配合我地今次去北海道既目的 - 蜜月嘛！！