又來淘寶~

天氣開始有少許涼意, 我都開始入貨啦, 買了好多衫和鞋. 

其中又係淘寶掏左D寶返來, 哈哈~ 我最近真的瘋狂愛上逛淘寶, 因為真的咩都有得買, 講得出的都有咁滯, 最緊要係價錢比香港買平好多嘛, 而且貨品種類又多選擇...

我都買了唔少冬天衫和鞋, 其中以下呢兩件係我幾鍾意的~

呢件啡紅色仿皮短褸~ 件褸今日岩岩收到, 實物跟相相差不大.   我買左細碼, 都非常貼身, 好型呢~  而且質地好軟, 顏色都OK, 因為好怕一些扮真皮的仿皮料好"膠"的感覺, 但這件都幾好, 質地都幾似皮的.  連埋運費都不過百五蚊左右, 我估如果香港買可能都要三四百了.

另外仲有呢對長boot我自己收到件貨都幾滿意的, 我買了橙色, 實物同相幾乎一樣, 質地都唔錯, 睇上去不似cheap野, 價錢都不用$100~

之前都有好多人問我怎樣去淘寶買野, 我就在這裡簡單講一講吧, 其實幾容易的~  可能最大問題是付款, 但只要你有張visa就可以了(不過聽聞不是張張visa都得, 我用hsbc的就ok), 不過大前提是你用visa付款前必要做了驗証, 這個我估是好多人係淘寶比唔到錢的問題, 其實驗証可以上ebanking做就得~

其實淘寶網上好多seller, 可能質素都參差不齊.  但大家去到一個seller睇佢既貨品同時可以睇下佢個評價的, 同埋有咩問題例如尺寸, 有冇貨, 運費等最好未bid前問清楚seller.

1) 淘寶網有個叫"阿里旺旺"的東東, 類似大陸版的msn, 可以直接同seller即時通話, 唔識普通話都絕無問題!!!

2) 賣家信用佢地係有分級的, 分數少時係心心, 之後係鑽石, 鑽石之後係皇冠.  所以見佢鑽石多的話, 基本上呢個seller都應該信得過的.  都係唔夠信心的話, 可以入去睇埋其他買家比佢既評語添~

其實之前好多人問我淘寶買野信唔信得過, 我可以話係非常安全, 因為淘寶是阿里巴巴投資的.  另外就係每次付款, 淘寶會先hold起筆錢, 到你收到件貨, 確實件貨無問題再去淘寶網確認, seller先會真正收到錢, 所以一日唔確認, 你都可以要求退款.

1) 當你bid左件貨用visa比錢後, 在你的A/C內會看到"買家己付款"

2) 而到seller寄左件貨後, 佢又會變做"賣家已發貨".  基本上每個過程都好一清二楚的, 同埋通常bid好件貨後, 同seller聯絡好一兩日就會送到你門口了, 非常方便呢~

希望呢到少少資料可以幫到大家去淘寶尋寶啦~