新書加新玩意

好耐無更新blog了, 不知為何近來總沒有心情更新這個blog, 可能工作太忙吧~

昨日有個無良客人放飛機!!! 不過都好, 有時間比我出去蛇一蛇.

知道Nail Max又出了collections vol.3, 急不及待打電話去智源check下有無貨, 有貨喎, 就叫sales姐姐幫我留起本, 趁蛇王時出去拎.  去拎書時咁岩又見到Nail Max的10月號到貨, 就順個便拎埋走. 

呵呵~ 終於有新書睇啦, 仲一次過黎兩本, 好開心.  返到鋪頭又狂"咪"書, 仲睇中左一個款, 諗住下次轉甲就做呢個~

另外, 之前買了個東西都幾岩整甲用. 

有時看日本雜誌一些星形雕花, 他們多數用個類似打窿機的物體cut出黎, 唔駛花時間慢慢雕, 因雕星形都幾難雕到隻隻角都平衡.

剛巧有個客知道我想買這個東西, 她在女人街見到就即刻打比我, 最後我就買了一個回家.  其實這個東西本身係用黎cut紙用, 不過我估cut雕花都無問題吧, 而且仲有好多圖形的, 不過我最想買的都係星形.

看看用這個東東cut出黎的星形雕花吧~ 我覺得都ok架, 不過最好趁塊雕花粉未乾晒時cut會好點, 因為太硬cut出黎有點彎彎地, 同埋有可能會裂.