網誌分類：音樂‧華語 |
[補寫]
March 31, 2008
終於......終於到3月30日了! 我等左方大同的演唱會等左成年! (話說上次佢開show我買5到飛而飲恨) 我真係十萬個期待的!
今日唔知醒, 訓到下午4點而識得起身, 急急腳搞好哂就出門, 去巴士站等車等左15分鐘先知呢個時間無呢班車, 之後就搭車去巴士總站, 打電話call vi 幫我上網search....佢俾左個答案我, 就係"D9654N2"號碼的燈柱旁邊有另一邊車去, 好似玩定向一樣! 笑死我! 不過都俾我找到喎! 等左20分鍾先有車, 去到九龍灣都7點幾了, 之後就去別府join埋Benny & Yannie伉儷食日本野, 埋單走人已經八點....
個Show係開八點的! 哈哈~ 我地急步行去位於亞爾蓋達一樣咁遠的車站去Star hall, 我都好擔心趕唔切! 不過去到見到原來仲有好多人排隊搭車~ 放心~ 排隊時見到TVB娛樂台的主播李嘉宜, 相信佢一樣係睇Khalil的!
入到會場已經八時三十分了, 好好彩的係.......佢仲未開Show, 等開Show期間, 見到好多歌手同Artist, 包括: 農夫, at 17兩位, 袁彩雲(我可以講佢真人好鬼靚, 皮膚勁好), Wyman, 蘇永康, 周柏豪, 薜凱琪, 鄭融(佢無化妝個樣好...)EO2的OTTO(係咪叫otto?好似森美的呢) 因為位置坐同一行同前面果位, 所以我睇到佢地的.....舉動
↓ 呢張相影得at 17的Ellen好靚, 佢同緊六永吹水中~
大約八點七開Show了.........
整成show沒有華麗的衣服不停換, 可以講係得兩套, 計埋encore果件TEE, 但係, 呢D先至係音樂會, 一個真正的音樂會, 就算Khalil就咁坐響度唱, 我都一樣訓身去睇呢個show...
成個Show khalil唱左好多歌, 包括由Soul Boy開始的歌, 同埋一D佢鍾意的Old Song, 佢唱左一首周華健的歌, 開始前, 大家估乜野歌, 俾我估中....愛相隨呀! 哈哈~ 我個年代嘛, 另外, 我好鍾意佢唱My Girl同 Something Stupid....其實Khalil今次呢個show, 佢將所有歌重新編過哂, 的確係好正! 佢不只一位唱作人, 佢直頭係天オ黎的, 正如Fiona所講, 佢今次呢只大碟, 佢一手包辦....包辦的程度係夜晚返Studio錄歌, 日頭就響屋企自己錄埋和音......我好感動同埋好佩服Khalil, 因為佢的確熱愛音樂!!!!!!
OK, 一邊睇相我一邊寫~~~~
↓ 首先係Fiona出場做嘉賓, 唱四人遊同something stupid, 唱stupid的時候佢地坐沙發唱,好正!!!Fiona講Khalil的心情起伏好搞笑, 只有零同零點一, 試過一次零點九!!!
