[529]林海峰是但o翕求其大合唱(1)

05.30update:
[529]林海峰是但o翕求其大合唱(2)
http://hk.myblog.yahoo.com/mi-0421/article?mid=880

的確期待已久的是但o翕求其大合唱Part II終於開始了! 對我黎講, 今次的確是一個超大的驚喜, 坐第一行正中間, 前兩日先知道呢件事, 我的確開心到訓唔著! 因為前面無人遮住我呢個"153cm", 所以...睇得好舒服!(以前我曾經諗過以後睇aaron演唱會係要帶定兩本黃頁)

vi, 非常感謝你這份超驚喜的生日禮物, THANK"橋"very much!

今次呢個show的確好好睇, 開show前我曾經擔心兩個super大笑姑婆齊齊睇林海峰, 會唔會笑到個紅館爆炸架? 果然... 紅館無爆炸, 但我地就笑到無命! 一直以黎我的致命傷就係jan的反眼加變聲, 佢未講野, 我已經笑到叫哂救命標哂眼水!

整體黎講, 今次呢個show的確比過往的精采, 有得睇有得聽仲有得笑! 亞JAN的而且確好利害....

不過我最想講的係, last果part的"高山青龍", 我200%超愛! (雖然亞葛未出現,希望佢身體健康"撩"多D護士) 但呢一part我係最鍾意, 高山青龍係我的情意結, Rock'n Roll 萬歲~~ 我跳到全身汗, 舉高對手~~~"PEACE", 加上佢地有唱Beyond的歌, 當時我真係有個衝動沖上前架!

今次我亦都影左好多相, 睇黎要分兩篇日志post出黎, 先睇一小部份, 明天再post~
okay, 睇相吧! 相機仍然係我的好兄弟MR. Nikon Coolpix P5100~

"Rock'N Roll Fire Never 熄!!!!!!!!!!!"

 Aaron手提格仔餅轉轉舞台! 好難影架! 因為我隻手笑到震過倪震呀!

 YEAH!!! 我最鍾意的高山青龍黎了~~~~~ (不過無左條"青龍")

 "Rock'N Roll Fire Never 熄!!!!!!!!!!!"

 我鍾意到癡哂線!!!!!!!!!!!!!

 我邊可能會冷靜丫!!!!

唯一要講就係佢個cam成日影到我同VI, 有時我見到咪立即縮後, 但成晚黎講, 我好肯定佢影到我地笑到訓低, 笑到兩個縮埋一齊, 笑到鍊對方的手手腳腳, 笑到個口淨係睇到個喉嚨"錠"...... 總之就至樣衰的moment佢就影! 我的確好想......"殺左佢"!

先post住咁多先, 因為我而家好眼訓了, 剛剛吃左兩粒頭痛藥, 因為我又笑到扯親成秋神經線了!!! GOODNITE~

p.s. Johnny事務所, 因為我以前誤會左你坐的行數, 所以我數完之後點都見你唔到, 不是有心的, 的確唔好意思......本來原意係同你影左合照......下次有機會吧!

.
.
.
.
.
.
.
.

"爛GAG王遇上吹水精"

你 衣 家 撈 乜 呀 ？
Nobody 囉 ！

咁 你 識 D 乜 呀 ？
我 乜 都 唔 識 ， 淨 係 sick leave 。

你 知 唔 知 巴 斯 光 年 殺 左 條 龍 變 成 乜 呀 ？
撒 隆 巴 斯 。

你 又 知 唔 知 乜 野 動 物 最 鍾 意 聞 底 褲 呀 ？
豹 紋 底 褲 。

我 趕 住 去 果 邊 ， 你 知 唔 知 要 過 邊 條 橋 呀 ？
Thank You 呀 。

 呢位保安一撕開套衫我的確俾佢嚇左一嚇! 佢的BODY好正, 但我望到就有D...想嘔的感覺, 可能太近了....但如果係AARON, 我肯定擒......上台撲過去~ 嘿

 就係亞"精"佢呢D樣搞到我笑到條腰好鬼痛! 因為我真係笑到......"人仰馬翻"!!!