謙謙的生日派對09'

今日放工做完facial，終於有時間走去深水埗配返幾粒水晶石，兼上個fd做嘢o既鋪頭吹咗陣水！！大約五點幾，再行過太子買禮物俾今晚o既派對主角，禮物早在一星期多前已經睇定，所以好快可以買完走人，奈何嗰間書局係無公司花紙，搞到我要四出張羅完先可以再搭車上K屋企！

到達已經係6點半有多，但我竟然都係第一個人客，亦好彩謙謙啱啱瞓醒，仲識收禮物添，不過影相時個樣就......

差唔多到8點所有人先到齊，我哋食完一大輪美味o既食物(有楊州炒飯、白汁火腿意粉、蒜蓉豆苗、沙姜雞翼、醉雞翼、菠蘿腸仔、零食等等)，再o黎一個靚靚生日蛋糕......

當然唔少得同屋企人影返張全家幅先啦......

再古靈精怪咁對住個蛋糕影多幾張單人照......

又到拆禮物時候喇......

後面嗰條度高o既尺都係佢o既生日禮物之一，不過最搞笑係佢成日都整個〝衰豬樣〞囉！So cute！！