網誌分類：未分類 |
今日一早起身隻眼腫到嚇親人，唯有將個頭頭一直向下，但奈何注滿o既眼淚就會缺堤一樣，唯有用手背o既痛間中止住淚水，而得出o黎o既結果就係滿手背傷痕......
成朝都無晒心機再加上我呢個嚇人o既樣，係人都唔多敢埋我身，除咗個clerk問咗我一句點解隻眼腫晒之外，就得同我比較熟o既D問候過我，我都唔知可以點講俾佢哋知，一講就一定眼淚鼻涕直流，真係想嚇鬼死人咩！！
下午G提議放工一齊出o黎睇戲食飯，由 I 接我收工到九龍灣，再等G同A出現，我哋4個最終揀咗套笑片，都算係幾好笑，之後食完飯就由G送A、I 送我返屋企......
沿途經過彩虹至黃大仙一段路，我又開始諗嘢喇，甚至有啲怯o既感覺！不過好彩 I 間中同我講返幾句說話，等我由冥想中抽返個身出o黎！！
各位親愛o既朋友，好多謝你哋o既關心！！我真係感受到o既，多謝你哋！！始終而家都仲係過渡期，但我相信應該好快就會無事，請大家放心啦！！不過喺呢段時間，可能有好多喜慶o既場合我都唔適宜出現，但就算我個人真係出席唔到，我心中都一定真心咁祝福你哋囉！
