買聖火!!

放假出去睇聖火,見到好多人攞住國旗,亦有好多人攞住d贊助商旗幟,原來今次香港傳聖火,有贊助!!一下子神聖活動變咗商業活動,不停見到贊助商d車行來行去,宣傳話我地機構大力支持奧運!!再睇番傳聖火嘅人,究竟幾多個係實至名歸???點解咁多騎呢怪都有份嘅???有咩準則???有錢大晒??知名度高??左派愛將??點解一個窮人都冇???唔通佢地唔愛國??唔愛北京奧運??最攪笑係四眼霍話d人選係我地香港社會縮影,社會縮影定係商業縮影呀???天水圍同東涌點解冇代表,住半山,淺水灣就可以去傳!!點解四眼曾坐輪椅可以去傳!我老豆坐輪椅就冇得去傳???我老豆可能比四眼曾更加愛國!!唉!!要人全民支持,就咪玩小圈子!!乞人憎到"秘"見到過幾個騎呢怪攞住聖火,傻笑揮手!!唉!!點解香港做咩都咁商業,同講關係呢!!唔知深圳有冇A貨賣??買番支假野.跟住嚟樓下傳,叫老婆幫我拍短片!擺上YOU-TUBE!!威過佢地!!!