好朋友的婚禮

尋日參加了一位相識咗十八年好朋友的婚禮。

雖然天氣好凍, 但整個婚禮都好温馨。

新娘子親手做的結婚公仔, 新郎哥尤其神似

連進場MV都係新娘子自編自製。真係可以揮低出面的例牌製作。

認識了新娘子十八個年頭, 好似好耐, 但到結婚o個刻又突然覺得時光飛遠。

小妹結婚時，就係請黎呢位好友擔任伴娘。o個陣時好友剛剛和男朋友(即係呢位新郎哥)分手，心情跌入谷底。

好開心經過呢場風波，男的學懂愛惜女友，女的體會到家人對佢o既無盡的愛。

以前總以為男方唔夠細心，要人遷就。但尋日的婚禮, 睇到新郎哥積極，体貼的一面。

TO新娘子：

我諗你會有好多由攝影師，朋友幫你影的on-stage相。但我發覺o係projector度睇，效果好似睇緊紀錄片，好得意，所以影咗几張比你留念。

你晌往其他人的婚禮中的驚喜環節。雖然你的MR. RIGHT無準備特別節目，但當佢

o係台上講出你為婚禮付出的說話時, 你應該已經好感動啦﹗

你o既付出，佢係感受到o既。

我早已估到你一定會喊架啦 !!

獻花比爸媽時，係咪又好想喊呢 ?!

舉杯祝酒啦，我掛住影相，哥哥祝埋我果份。

尋晚走時忘記了同你o黎個BIG HUG。

仲唔記得同你講朝早睇住你敬茶的背影，我都眼濕濕呀。

你將來唔好移民呀，我會唔捨得你o架!