搭小巴

今日搭小巴番屋企, 落車後見女女係到笑~~~~~~~

媽咪 : "女女, 你笑嘜嘢呀?"

女女 : "司機叔叔叫我做靚女."

次次搭車, 仲有一條街先到目的地~~~~~

女女就已艾定 :  "橋頭有落呀, 唔該"

女女 : "媽咪, 司機叔叔聽唔聽到?"

女女就係咁, 艾完又唔望吓司機, 有無遞手表示知道.

到落車, 多數我行先, 女女一定會同司機講bye-bye, 而司機亦會講番bye-bye.

記得有次, 同女女搭紅van, 落車時佢同司機講bye-bye, 但司機無應佢~~~~~~

女女 : "媽咪, 嗰個司機叔叔無禮貌, 唔應我."

媽咪 : "女女, 唔係個個司機都會應你, 佢哋可能諗緊第二啲嘢呢!"

有時, 都唔知點答佢, 詳細得制又驚佢唔明.