波子死光槍..... 利害..

一向都話波子是一個小可愛又溫純, 對外敵係 0 抵抗力.. 原來.. 佢有一樣秘密絶技.. 你都咪話唔驚....至於我點會發現呢? 係因為我見平時我同其他貓貓做運動時 (玩貓棒), 佢出於保護自己免被其他貓貓撞倒, 佢係唔會參與的, 只有望的份兒.. 所以而家波子每晚都有個私家節目, 就係媽媽係房閉門同佢一個貓玩貓棒, 而佢一見沒其他貓係度, 便即時回復活潑本色, 又撲又跳又咬又追.. 無所不用其技... 真係睇到我笑爆咀.. 見佢玩得咁開心, 我都好心甜.... 話俾大家知.. 佢而家一得閒呀, 瞓醒呀, 就走埋嚟叫我, 帶我去房要我陪佢玩呢.. 你哋話佢幾醒目呢..  

平常溫純可愛的波子.. 睇佢.. 似乎好LIKE 個新既紙皮抓台噃..

很難一見既4貓共聚於一床, 仲要係一字咁排開.. 係咪好利害. ... 波子眼光銳利, 發出秘密武器 " 死光槍"

呢支羽毛棒棒係佢既至愛, 每晚都要玩一輪

呢個妹豬仔, 真係可愛到暈..

咁KAWAII, 問你哋點頂得住呢??

你哋俾佢電暈未呀???

同場加影肥仔芝蔴, 巨頭肥面..

蓉蓉同古迦呢對係孖寶嚟.. 孖住嚟曳, 孖住嚟跑, 孖住開餐.. 睇佢哋影相, 都係孖住嚟, 條尾都要一左一右咁攞, 咁合拍, 係咪冇懈可擊呢.. 話佢哋係TWIN 我相信大家都會信呢.

早2日凍返, 波子即流鼻水, 所要又要出動衫仔既時侯啦, 呢個女唔多鐘意架.. 不過佢都算乖囉. 我都知貓哋唔鐘意著衫, 但佢身體弱, 凍少少就流鼻水.. 無計..

波子著衫仔真係好靚女架.

BOYBOY好乖仔架, 呢幾日凍, 成日都攬住妹妹..

豆豆就係床度瞓到天昏地暗..

古迦仔都好鐘意個新抓板..