梁進簽名會＠阿呢有個甜品胃

今日(12/20 星期日)，梁進有讀者分享及簽名會，在會展大眾書展舉行，預訂時間係下午四點至五點

夢夢約左老伯３點９係灣仔，會合老吉、隆兒、隆嫂及夢夢大女ＴＡ姐，估唔到夢夢個大女咁大個啦，一行人浩浩蕩蕩殺入會展

上到書展下午四時，梁進剛剛上台

梁進件紅色格仔衫好搶眼呀，好有聖誕氣氛呀

梁進分享左一陣，就開始簽名會啦，有兩條隊排，每條都幾十人，梁進真係好多粉絲呀！我地發揮阿呢小隊的精神，要排隊尾再影大合照，所以慢慢先排隊

原來阿呢唔係漫畫，係「圖文書」

戴左聖誕帽的阿呢好有聖誕氣氛呀，阿貓好似幾無耐喎

未買阿呢的漫畫的讀者，係時候入貨啦，會場買書有八折呀

老伯行左個圈，都仲係咁多人，仲好似越來越多人呀！有個靚靚妹妹仔仲認出老伯，因為老伯收到路邊社消息，4點９會截龍再轉場，老伯就叫這位靚靚妹妹仔快Ｄ排隊拎簽名啦

我地等到５點，哈哈笑都到啦，跟住轉場去黃貽興隔離

唔知係咪黃先生擺簽名會擺成日呢，最多人排隊都係得十零人

而梁進呢邊就一路維持一百幾十人排

轉場後，我地排龍尾的汽球，跟住就截龍啦，隊尾係小豬小YAN

點解紙板公仔得阿呢同豬仔架，唔通呢埋左係後面，阿貓好可憐呀

老伯又要影

排到６點幾，終於排到老伯啦，梁進幫老伯的阿呢有個甜品胃簽名

老伯仲帶左塊畫板去，又叫梁進畫阿貓，今次畫咩呢？

老伯同梁進合照

今次簽名會，老伯用LEGO砌左阿貓，送給梁進，前兩日先砌架，細細隻，要拎Ｄ

梁進先生，哈哈，今日，我地又討論梁進的真名，一時間醒唔起係乜，就講上年阿呢小隊聚會，梁進求其講的「梁明進」明仔，估唔到，大家仲記得，嘻嘻

小豬小YAN，今次又送左特別的野比梁進呀

除左有兩件甜品外

仲有布做聖誕樹，Ｄ小飾物可以拆出，好得意呀

MERRY CHRISTMAS BANNER 都好得意呀，真係每次都有驚喜

因為趕住做節，我地傾左幾句，便各散東西啦，希望快Ｄ有聚會啦

老伯今次買的「阿呢有個甜品胃」

梁進畫的阿呢甜品胃

今期的「我想阿呢做Ｄ乜」，有傑他他老伯的提議呀，「我想豬仔扮榴槤，燒賣扮人妖」，真係好嘔心呀

老伯買左$88的豪華版（八折左$70.4)，送個限量呢呢袋，老伯本來想罷買豪華版，因為呢呢袋咁大個，點解會無阿貓架？嗚嗚嗚～＞＿＜～

入左呢呢袋的袋仔，有阿呢同豬仔個樣

梁進畫左阿貓O係上面，算你啦

老伯的簽名板，畫左阿貓扮碗麵

梁進畫呢碗麵係老伯畫的，因為呢碗係車仔麵，右面有個雞樣架，好搞笑呀！