這個復活節留港消費

之前三數年的復活節長假都出外旅遊

但這陣子工作忙碌, 最後還是留港抖一抖...不過與其話抖, 其實都係不斷忙著

星期五：和老婆家人飲早茶，跟住去了沙田行街。本來老婆想配隱形眼鏡，點知眼鏡８８話要預約．．．真係寸。晚上去了元朗西鐵站旁ｂｂｑ，人就多，但我覺得還是小欖好食一點

星期六：一早出街食了粥，然後和狗仔賓賓去了生日會，不覺間賓賓一歲了。和賓賓的爸媽，上一胎的狗狗，同一胎的哥哥細佬妹妹等去了鶴藪香薰園，又係ｂｂｑ。這個地方很多人，很多野睇，有很多植物，真係值得一來。ｂｂｑ完和所有狗狗行了個超短山．．．係香薰園行了去鶴藪水塘的水壩，七隻狗在路上奔走，真係好好笑呀。水塘仍然是風光明媚呢。

星期日：一早帶了賓賓去海邊和朋友的ｂｂ玩，ｂｂ坐在ｂｂ車，拖著賓賓走，唔肯放好好笑。然後回家，再和鄰居去了彭福公園放狗。這兒超多狗，好開心呀，賓賓在草地上走來走去，開心死佢。然後回家，再出去ｍｅｇａ　ｂｏｘ　ｃｅｏ唱ｋ，嘩，都係八十大洋一位咋，抵。我地用了ｒａｎｄｏｍ　ｍｏｄｅ唱歌，等出歌時，大家好似等抽獎咁，好刺激，唱完ｋ，立即驅車去布袋澳食海鮮。嘩，條車龍長到嚇死你，粗略數一數，有一百二十架車呢。兩間酒家都爆晒。我地去了食海鮮島，二百六十蚊一位埋單，食了手臂瀨尿蝦，炒蜆，白灼蝦，聖子，扇貝，魷魚兩食炒飯，湯，菜。真係平。不過總是覺得還是超貴的西貢好食一點呢，看來還是要洗下錢去食下。大家仲未飽，去了寶琳邨食聰嫂甜品，回家都成十一點幾。回家路上，俾做交警的朋友玩死，本來諗住係將軍澳隧道後經獅隧去沙田放低朋友，點知呢個阿ｓｉｒ話行機場隧道經土瓜灣去沙田，我頭都痕埋，明明經觀塘道咪對囉．．．但相阿ｓｉｒ啦，點知真係老點，走了個大圈，激死我。之後仲買定第二天的電影

星期一：看早場新宿事件，好在看早場．．．太浪費了。呢套戲，唯一的賣點是，看下ｄ戲骨的演技，簡單而言，係日本版古惑仔加無功夫同埋會死的成龍，咁的話，仲要成龍來幹啥．．．成日係度劈．．．情節較慢，無乜驚喜．．．出碟都唔駛買

四天就過了，明天要上班．．．