網誌分類：未分類 |
圖片
網誌日期：2008-04-29 23:45
今天突然興之所至，心想家還有一樽薄荷醬要儘快食，於是就產生煮飯仔的念頭，拿拿臨問友人大廚阿文學幾度招式，就放工去”買餸”。
在往沙田的火車上撞到一位朋友，佢問我去邊，我很自豪的答去買餸。唔知佢會唔會覺得我好”佬”呢
去到一田百貨（即前西田百貨），無乜和牛，於是揀了一塊脂肪分佈較平均的澳洲肉眼，一包長通粉，和兩盒日清糖水。然後再往citysuper買了些蔬菜，"白酒磨菇意粉醬", 還有減了價的魚生，最重要是買了那食過番尋味，價值＄１５０的黑松露菌醬！
老婆已經在催我回家，我拿拿聲回到家中，八點鐘正式開爐。今晚是我首次正式下廚，當然有老婆從旁協助。剛好一小時就完成了！
菜單有：
周打蜆湯，白酒磨菇長通粉配黑松露菌醬，煎澳洲肉眼（配Coleman芥末及Coleman薄荷醬），配菜，三文魚魚生（由本來的頭盤變了做”甜品”所以無影到．．．！
上圖左上角細細樽的就是黑松露菌啦
老婆說，這一天的ｍｉｃｙｉｍ有三奇：
１．返屋企無開過電視
２．ｍｉｃｙｉｍ話去買餸
３．ｍｉｃｙｉｍ下廚煮野食
其實，閒來搞下新意思都幾好，唔一定要特別日子的．．．唔特別的特別，就係最特別．．．你明唔明！？
