忙碌一星期的總結

今天是星期一...實在係超累...

原因係剛過去的星期六日成為了超忙的幾天

星期五跳完舞，走了去太平館食瑞士雞翼；

星期六返完工，去了老婆同事的家燒野食，好好味呀，燒完野食再走去唱ｋ，今次只有五個人唱，所以唱了好多歌，好耐無試過咁high，仲發燒朋友阿del唱ｋ好好玩，下次唱k實要預佢。（本來想約埋竹蔗兩公婆，見佢地生完ｂｂ後都無乜放鬆玩下，唯有等下次）

星期日，一早去了大美篤睇狗，好好玩（另一ｂｌｏｇ再講），然後”順道”去了行八仙嶺。這天天氣很熱很焗，行得好辛苦下，老婆行完仲嘔添，真係行到嘔．．．跟住出了去尖沙咀，約埋老豆老媽子跟發達行釣墨魚，一團人只得十三人，坐一隻西式遊艇，實在係爽，可惜成船只釣到一條．．．有點美中不足。回程時，不大浪，有點風，和老豆老媽子坐船頭看夜境，好爽。

瘋狂遊玩的過後，就是超累．．．