Baby Health GYM第三堂 & 試堂

小葵好忙
星期五如常上Baby Gym的第三堂
佢新進展係可以自已坐係吹氣小馬度,唔使我扶
咁我咪幫佢影下相,佢係勁食馬耳
今堂又玩fitball啦,家長要扶住同埋控制個波
玩完呢樣我全身出晒汗
都有swing玩,釣得比較高,小葵未玩先成個過程都唔開心
玩完食奶奶之後就瞓,回家又瞓,黃昏又3個鐘
玩到咁累喎!

接著星期六約咗上自組playgroup的試堂
地點係大埔林村
由於第一次去,要d時間找,所以遲咗開始
先比BB玩,大部份唔係完整的玩具,而係一件件的小物品
MISS 話想BB觸摸唔同物料同埋自己去發掘感受
例如將膠波,綿球,毛球,乒乓球放埋一齊,等佢自己去摸
讓BB自己發覺唔同球的分別：輕/重,軟/硬
BB都會覺得好有趣,而唔需要成日買玩具囉
主張唔開電視,靜靜地玩,使小朋友陪養耐性,集中力
之後圍圈MISS唱歌及用手偶同各BB玩
小葵真係全神貫注睇住MISS唱歌同手上的小公仔
可能因為唱的都係佢平時聽的歌仔啦~
費用相宜,但一定要爸爸一齊去囉,因為地方幾偏~
哈,不過為咗比BB去玩,爸爸就答應啦!