禮儀C

尋晚九點五十分去左看禮儀師之奏鳴曲

由佢攞奬個一刻到真正上畫到家下～
隔左咁耐我終於都睇左喇～大感動

之前睇左好多有關既報導～知道係一套點樣既戲
可能睇得太多，想像空間太少
反而無咁投入
反觀隔離位條友仔佢感情豐富好多

成套戲都好好睇～
由故事到畫面到配樂我覺得簡直係perfect
久石讓～大師真係大師～
大提琴的確sad到爆～
even過緊Xmas都好似好lonely咁～好慘呀>"<

本木雅宏依舊似五個相撲的少年時期一樣～
開始既時候我真係有咁既感覺～
第一個大頭shot我仲諗緊點解佢會夾眼睫毛=.=a
當佢奏起大提琴郤變了小林大悟 one second...
其實呢套戲佢可以好好發揮～
假如可以放低少年時期的他會更好

反而我最愛既係山崎努演的社長
奇怪悲哀專業有人情味的社長
整套戲發揮的機會不大～但他是一個很稱職的配角
由細微的表情動作態度都令人有種很社長式難理解的感覺
我真係好鐘意佢呀hehe

有得笑有得喊有得驚～
真係無買錯飛入錯場～正