天堂上再見~~鄭哲老師

   琴日一早收到ANDY打黎既電話,佢話今晚係鄭老師既安息日,我決定請一日假去出席,依一日好凍...我地約定7:00PM係九龍賓儀館出面買花牌,儀式係8:00開始,因為鄭老師係基督徒,所以都係以西式進行,我一去到見到鄭老師放係靈堂既相個心已開始想流淚,不境我係舊公司已經跟咗鄭老師既普通話班兩年幾,我由開始個刻做野成日責罵我,個一年入面真係有D怨恨佢,到慢慢相處落都知佢係要求高先會咁對我...到後來開始都有關心大家.有時佢會親自煮茶葉蛋或者煲湯我地飲,覺得佢真係好關心我地公司既同事.我係離開舊公司個一刻真係有點唔舍得,但係我止不過係離開咗半年時間就.........鄭老師係年三十個一晚就離開咗我地。

  儀式一直都以唱詩歌為主,到差唔多完結...主持人講鄭老師既生平事跡,原來鄭老師係1982年已經有肺癌,但係佢一直堅持自己教學,其實我同佢相處依半年,都眼見佢既身體開始慢慢變差,係尾依半年佢開始放棄教授成人班,但佢盈堅持教授其餘兩班既兒童普通話班,因為佢都有同我講過雖然有部份小朋友都好頑皮,但佢話每次見到依兩班小朋友都好開心,係鄭老師教導下有好多小朋友既普通話都好叻,我想係咁多年來係佢教出既學生不下千幾人,佢的確係一位好老師。

到最後係詹仰遺容既時候我既眼淚開始忍唔住不停地流出,我始終到依一刻盈未接受到依個事實,不境真係太突然,係我腦入面既記憶盈然係係課室入面鄭老師教導緊小朋友唱誦普通話個一刻既回憶,真係好實在既回憶.....鄭老師雖然同你相處止係兩年多既時間,但你既教悔會永遠係我心入面記住,希望你係主既懷抱入面過著開心愉快既日子,係天堂上面你都可以教導一班小朋友唱歌,他日我地係天堂上再見............