~~戰狼30000000000000~~

今朝約咗HEI去食早餐,本身我琴日仲好肯定咁同佢講9:00出到黎,但係唔知點解我琴晚又唔願訓,睇電視都睇到5:00幾先訓,今朝早佢已經9:00打比我,但係我同佢講約晏小小去到11:00,不過就出事啦!我聽到電話再響既時候已經10:45,於是我再聽佢電話個陣,佢已經同我講早餐都食完,仲未見我出去.....我真係覺得好唔好意思,去到冇辦法一定要比佢講兩句架啦~於是我為有同佢講依餐係我先可以了結依個錯失啦!!!

之後我地行咗一陣街去咗商務到睇書,我地都停留咗一段時間,到最後我因為約咗So去睇戲,為有同佢講我走先,點知被我發覺佢睇緊一本書睇到唔肯走,於是我咪睇下係咩啦~原本佢攞住一本書既書名叫<高潮過後>既心理書睇到佢好開心~哈哈真係吖

之後我約咗So5:00到,我地決定去沙田睇戲,本來今日都有幾套新戲上,但我問佢有咩想睇,佢就同我講話睇

<戰狼300>

我地買咗9:45pm個場,於是我地就諗住食咗野先,本身我諗住話食泰國野,但係佢話唔想食......佢竟然回應返我話想食M記,但係我就覺得放假唔應該食D好似快餐既食物,於是我地就周圍睇下食乜啦,行下行下大家想選擇既意見都唔同,但係時間就夠我地就決定去咗一間台灣餐廳到食啦!不過就真係媽媽地啦!!!!

去到戲院當然就唔小得一定要買我最愛食既爆谷啦!唔知點解我覺得睇戲一定要食住爆谷先夠完美,套戲開始後我邊食邊睇,但係睇咗約一個鐘到我開始唔覺意咁訓著咗,我訓下又醒下咁為持咗半個鐘到,去到D戰爭場面先可以完全甦醒(其實套戲都OK既,大家唔好比我既舉動影響...heee)或者係我今日唔夠訓既原故啦!!!