11月15日細佬受難的一周

呢個星期細佬好慘. 首先係星期二啦, 在屋企玩玩下時失平衡, 塊面撞左落去BB凳既尖位度, 撞到瘀左.

之後, 媽媽煮熟隻雞蛋, 用來碌下細佬塊面. 碌左一輪後, 細佬塊面變得愈來愈紅, 仲出左d類似風"lan"既粒粒, 連眼白都紅埋. 似乎係細佬仔對d蛋白有敏感. 佢好痕甘樣, 向塊面去"拗", 頭先岩岩先撞瘀, 好慘啊. 之後去洗面沖涼, 好彩都無乜事, 第二朝就好番.

開心既時間唔太多. 星期四, 細佬就發燒了. 燒到39度. 去左睇醫生啦. 醫生話可能都係一般感冒, 但亦可能係出疹, 要睇多兩三日先知.

發燒時細佬都無哂心機了.

病左又要同哥哥隔離啦, 細佬兩日無得落地下同哥哥玩.

玩具都要分開玩. 玩完又要洗到乾乾淨淨.

哥哥睇住細佬愛莫能助. 好彩燒左兩日, 又完全無野了.

朝早又出去食早餐.

哥哥又可以同細佬碌埋一齊玩了

細佬精神番哂啦

仲有得玩 "高高" , 好開心