左麟右李演唱會

尋晚去左睇左麟右李嘅最後一場演唱會.

見到好多名人,有:譚詠麟,李克勤,錢嘉樂,曾俊華,曾志偉,湯盈盈,鍾麗淇,陳百祥,陳友(譚詠麟以前樂隊嘅其中一位成員)陳慧琳

錢嘉樂上台講GAG果時,講曾志偉,跟住媽咪話:咁一定有王祖藍同阮兆祥喇.到錢嘉樂落台喇,媽咪又講野:邊有王祖藍呀,都未有資格啦.勁無奈=]

其中有段幾好睇,就係譚詠麟同李克勤Show肌肉果Part.有女Dancers喺到跳Pole Dance,姐係有碌棍,D Dancers就用碌棍做高難度動作.譚詠麟同李克勤著起性感嘅服裝,見到哂佢地啲肌肉.女Dancers著得超性感.

去左呢個番身左嘅紅館.最鍾意係啲座位,有黃,綠,藍,紅,每隻色有深同淺,最搞笑係開場之前,我地坐住藍色區.我同老豆喺到搞Gag.我話:嗱,有黃色(王),有(祖)紅色,有藍色,咁仲唔係王祖藍?!
佢地送嘅吹氣棒棒係黃色嘅,我老豆又著住祖紅色背心,老豆搞Gag:我地有黃(王)色嘅吹氣棒棒,座位又係藍色,仲有我件背心,仲唔係王祖藍?!

手都攰....打住咁多先...