生日去遊迪士尼, 16/8/07

又大一歲喇 今朝九點幾就起身出發去迪士尼, 第一次搭迪士尼地鐵, 架車好靚呀, 隻隻玻璃窗都係米奇頭, d 椅都舒服好多架, 去到十一點等朋友出黎接我入場, 哈哈....免費去玩迪士尼 今日迪士尼好多人呀, 九成都係大陸人添, 見到佢地就憎呀, 玩玩下開始落雨添, 唉.....真掃興......諗住食完飯會細雨d啦,點知越落越大, 咁就買左件米奇雨褸著喇, 因為落雨攪到好多野都冇影相, 總括黎講香港既迪士尼係唔掂既, 地方又細, 大陸人又多, 又冇咩野好玩, 最好玩都係明日世界入面d game, 飛越太空山, 幸會史迪仔, 巴斯光年星際歷險都幾好, 除左呢三個就冇其他野好玩喇, 千祈唔好玩馳車天地, 我地今日排左成個鐘頭隊, 淋住雨咁玩d勁白痴既game, 真係激死, 玩到大約七點過返美國小鎮買相同買精品, 買左一張8r 既大相 $120, 仲有買左個結婚相架比阿珩, 自己又買左個米奇相架, 買完野返青衣新星打邊爐, 食完返屋企玩電腦, 今日d時間過得真係快