遲來的黑色暴雨

尋晚係阿俊同玲係德福德藝會擺酒既大日子, 呢間野咁近我公司我都冇發現過, 個環境都幾靚架, 好似酒店咁, 仲有我最鍾意既水晶吊燈添呀, 而且d野食同服務都ok, 我地等佢地影相攪到十二點九先返屋企, 原本諗住同佢地一齊去玩既, 不過真係太攰喇, 而且今日同瓜瓜都要返工, 返到屋企沖埋涼又兩點先訓

今朝起身見仲落雨開電視睇下洗唔洗返工啦, 點知紅雨.......唉.....唯有死死地氣洗面出門口, 出門口又唔算好大雨喎, 點知搭到車返九龍灣見到興叔話比我知已經黑雨跟住嘉寶同瓜瓜都打比我話我知, 唉......唯有搭車返屋企啦, 回程果陣見到對面線倒樹, 阻住左個van仔司機阻車過, 個司機自己一個落車拉開d樹, 唔知拉唔拉得到呢, 不過佢肯定全身濕哂囉, 後面d車仲塞死哂添呀, 好彩我冇塞車, 如果唔係都唔知幾點先返到屋企, 係樓下買定哂今日既餸, 煮左通心粉做早餐, 跟住玩左陣電腦, 十點幾再訓過, 十一點幾突然落左黑雨, 瓜瓜同事打黎叫佢返工, 我就梗係訓多陣先算啦, 十二點幾起身驚真係唔返工比人話, 我就打比經理問原來要兩個鐘內返到公司, 但係落到樓下勁唔想返去, 結果再打比經理問佢我下星期ot補鐘, 跟住買埋野食就返屋企喇, 返到去食完野原本同媽咪去買野, 不過太眼訓又訓到七點幾先起身食飯, 唉.....今日都唔知點解咁攰, 成日都係訓同食......