金都d野加哂價

今日返工好期待放假呀, 一連四日假就算留係屋企都好開心, 今日收工出左旺角諗住買結婚果品, 首先行左花園街, 買左上頭用品, 跟住去食米線, 食完過左金都, 嗚.......d野全部加哂價, 個老闆仲要話三月頭先加, 而家買套茶杯加一百蚊, 足足貴左廿蚊, 仲有其他野都貴哂, 唉......到我結婚果陣咩都加價, 早知真係一早買定啦, 之前諗住差唔多結婚先買都未遲啦, 咁早買返黎阻住間屋企, d野又唔會冇得買既, 唔知係咪知我結婚所以咩都貴呢? 連d金都可以創新高, 捱貴野真係冇陰公呀不過呢d野唔買又唔得, 我又唔想用二手, 如果瓜瓜比我用我就可以慳好多喇, 雖然而家呢d樣樣都只係一百幾十, 不過加加埋埋都真係幾貴架, 最後我今日剩係買左上頭用品同對聯, 仲叫左人地整車頭公仔果隻蝴蝶, 10/4/08 先有得拎. 茶杯而家仲心大心細, 唔知買平d果套好定貴d靚d果套好, 平果套 $88, 貴果套質地好d $148, 聽日再出去睇下先