病咗..... 2日 (點解要星期六日先病呢??)

呢2日病咗, 個人好似病到唔係自己咁, 好辛苦....... 不過呢, 又可能係無嘢做, 又諗埋啲無聊嘢....................

發覺, "比較"係唔應該嘅..........

曾經, 自己親愛嘅人, 為咗氹佢嘅朋友, 令佢好過一啲, 無意中, 面對面利用我, 同佢朋友比較, 令我嗰一刻好難受, 我只好扮大方, 讚埋一份, 但係, 自己好唔開心...... even now.... (點解要令自己身邊嘅人咁難受呢???)

雖然佢已經知道我唔開心, 亦有解釋嗰刻嘅用意唔係要令我難受, 只不過係想幫朋友, 但係, 我已經受咗傷..........

好多人成日同人比較有錢, 工作, 老公等等....... 就算唔會講出口, 都會暗自比較, 例如呀邊個升職, 呀邊個結婚, 呀邊個買樓.......

我諗, 同其他人比較只會令自己著眼於自己嘅缺陷, 缺點, 或者欠缺嘅嘢, 如果可以看輕一啲, 明白人同人唔可以好似物件咁比較, 咁就可以令自己開心好多啦................