網誌分類：內蒙實習之旅 |
返左黎10日有多,係時候沉澱下,記錄下我既內蒙之旅! 
由六月六日抵達內蒙古呼和浩特,足足住左83日。咁就三個月啦!
初初到埗既時間,十分唔習慣!(明顯係因為我既適應能力唔夠高! 去完都算有d進步...haha)
唔習慣宿舍環境,唔習慣做苦力,唔習慣污糟,唔習慣既野太多太多啦...
經過一個星期，要適應既適應左,要接受既都接受左。
慢慢開始習慣 努力返工,努力學野,努力訓多d,努力去玩......既生活!!!
雖然有好多小風波既出現,但係我無後悔過選擇咁遠既地方,放棄好多野黎到內蒙古! 有得必有失,我覺得我得到既比失去既珍貴好多好多!
離開既時候, 我好唔捨得呢3個月既日子,同事,生活環境... 更加唔捨得我既好同學,好朋友!!! 
雖然返到香港都會成日見到面,但係一齊返工,一齊去玩去食既日子係唔同d既!!! 一齊生活左一段唔短既日子,果份感情係好難去形容! 依家平日生活好細微既事件都會令我諗起你地... 例如,食親蝦都諗起ar蝦王king...哈哈
每次放假都會想盡辦法去玩,去見識下。
次次danny都會好盡責咁準備行程,搞呢樣搞果樣... danny好似個daddy咁! 有次佢返工無出去,我地差d要系水庫過夜!haha
我地一齊去左草原,去左沙漠... 好多好多唔同既地方。親親大自然真係好! 同時,達成左我去內蒙古既一個願望-散散心。每次出去玩都好開心!!! 
每個星期都可以去玩兩日。有時返早班,三點半放工又可以去玩!
實習方面,初初真係好唔想做餐飲,亦因此造成左好多不必要既麻煩。但係依家望番轉頭,都只不過係三個月實習,我都唔明白自己果刻點解咁執著。回望呢三個月,我其實都幾幸運,可以系唔同崗位學習,學到既野都唔少。最重要係,我發現自己真係鍾意呢行! 黎緊既日子,我會努力裝備自己,成為一個出色既酒店人!
最大既得著就係,我知道呢條係我既路! 天父預備比我既路! 儘管,呢條路看似崎嶇,但係我有信心繼續下落去!!!
短短三個月識到一班好朋友,我真係覺得好幸運,好幸福!!!多謝你地!
多謝BBY好關心我,特別係關心我既體重...哈哈...我知道你好想我生活得開心D,樂觀D!我會努力ga!
多謝我patpat同學成日同我一齊吐苦水! 多謝3位靚女對我既恩情啦...心照啦...哈哈!
多謝男同學們系我返夜班既時候不辭勞苦黎接我收工!平時搬搬抬抬都唔少得!辛苦晒!
一齊相處左一段唔短既日子,唔係一件容易既事! 但係,我地成日都行到邊笑到邊,真係好難得!!! 我真係好鍾意同你地一齊!
多謝你地,比我系2009既暑假過得咁開心,咁精彩!!! >3<
希望n年後,我地會一齊返去呼和浩特回憶回憶! 
